హైదరాబాద్: హౌసింగ్ ఫైనాన్స్ ప్రొవైడర్ ఎస్ఎంఎఫ్జీ గృహశక్తి (గతంలో ఫుల్లెర్టన్ ఇండియా హోమ్ ఫైనాన్స్ కో– లిమిటెడ్), తెలంగాణ, ఆంధ్రప్రదేశ్‌‌‌‌‌‌‌‌లలో విస్తరించాలని యోచిస్తోంది. ఇది ఇండ్ల యజమానులకు అఫర్డబుల్ హౌసింగ్ ఫైనాన్స్ ఇస్తుంది. సంస్థ ఏయూఎం (నిర్వహణలో ఉన్న ఆస్తులు) పరంగా మొదటి ఐదు రాష్ట్రాలలో తెలంగాణ ఒకటి. 2024 ఆర్థిక సంవత్సరం మొదటి ఆర్నెళ్లలో సంస్థకు తెలంగాణ నుంచి రూ. 639 కోట్ల బిజినెస్ వచ్చింది.
ప్రస్తుతం, కంపెనీకి తెలంగాణలో 120 మందికి పైగా ఉద్యోగులు, ఏడు శాఖల నెట్‌‌‌‌‌‌‌‌వర్క్ ఉంది. 2025 ఆర్థిక సంవత్సరం నాటికి రాష్ట్రంలో మరో 3-5 శాఖలను ఏర్పాటు చేస్తామని ప్రకటించింది. ఇది హోంలోన్లతోపాటు హోం ఇంప్రూవ్మెంట్, ఎక్స్టెన్షన్లోన్లు, కన్స్ట్రక్షన్ ఫైనాన్స్ ఇస్తుంది. తెలంగాణ ఏపీలో కంపెనీ విస్తరణ ప్రణాళికల గురించి ఎస్ఎంఎఫ్జీ గృహశక్తి సీఈఓ దీపక్ పాట్కర్ మాట్లాడుతూ తమకు తెలంగాణ ఒక ముఖ్యమైన రాష్ట్రమని, ఇక్కడ గ్రోత్ వందశాతం ఉందని చెప్పారు. తమ వడ్డీరేట్లు పది శాతం నుంచి మొదలవుతాయని, కనీస టికెట్సైజు రూ.10 లక్షలు ఉంటుందని చెప్పారు.
