జనగామ అర్బన్, వెలుగు : జనగామ జిల్లా కేంద్రంలోని రైల్వేస్టేషన్ లో ఆదివారం ఆగి ఉన్న గూడ్స్ రైలులో పొగలు వచ్చాయి. బొగ్గు లోడుతో వెళ్తున్న గూడ్స్ రైలులో ప్రమాదవశాత్తు పొగలు రాగా, గమనించిన రైల్వే అధికారులు ఫైర్ ఆఫీసర్లకు సమాచారం అందించారు.
ఘటనా స్థలానికి ఫైర్ సిబ్బంది చేరుకొని పొగలను అదుపులోకి తెచ్చారు. స్టేషన్లో విద్యుత్ సప్లై నిలిపివేయాల్సి రావడంతోపలు రైళ్ల రాకపోకలకు అంతరాయం ఏర్పడింది. ఎలాంటి ప్రమాదం జరగకపోవడంతో రైల్వే ఆఫీసర్లు ఊపిరిపీల్చుకున్నారు.
