శంషాబాద్, వెలుగు : అక్రమంగా బంగారాన్ని తరలిస్తున్న వ్యక్తిని శంషాబాద్ ఎయిర్పోర్టు కస్టమ్స్ అధికారులు మంగళవారం పట్టుకున్నారు. దోహా నుంచి శంషాబాద్ ఎయిర్ పోర్టుకు చేరుకున్న
ఓ ప్యాసింజర్, బంగారాన్ని 12 ముక్కలుగా చేసి చార్జింగ్ టార్చిలైట్లో దాచాడు.
స్కానింగ్లో గుర్తించిన కస్టమ్స్ అధికారులు అతన్ని అదుపులోకి తీసుకున్నారు. టార్చిలైట్ నుంచి 807.10 గ్రాముల బంగారాన్ని స్వాధీనం చేసుకున్నారు. దీని విలువ సుమారు రూ.49.71 లక్షల వరకు ఉంటుందని అంచనా వేశారు. అతడిపై కేసు నమోదు చేసి దర్యాప్తు చేస్తున్నామని తెలిపారు.
