పిట్లం, వెలుగు: కామారెడ్డి జిల్లా బిచ్కుందలోని జ్యోతిబాపూలే గురుకుల స్కూల్ లో విద్యార్థిని పాము కరిచింది. శనివారం ఉదయం ఆరో తరగతి చదువుతున్న రాథోడ్ వంశీ పాము కాటుతో అస్వస్థకు గురయ్యాడు. ఆ బాలుడిని బిచ్కుందలోని హస్పిటల్కు అక్కడి నుంచి నిజామాబాద్కు తరలించారు.
పెద్దకొడప్గల్ మండలం లచ్చిరాం తండాకు చెందిన రాథోడ్ తల్లిదండ్రులు విషయం తెలిసిన వెంటనే ఆస్పత్రికి చేరుకున్నారు. ఇటీవల బీర్కూర్ హస్టల్లోనూ స్టూడెంట్ ను పాము కరవడం, ఇప్పుడు బిచ్కుందలో స్టూడెంట్ పాము కాటుకు గురి కావడంతో పేరెంట్స్ ఆందోళన వ్యక్తం చేస్తున్నారు. కాగా, వంశీ కోలుకుంటున్నాడని గురుకుల స్కూల్ ప్రిన్సిపాల్ భరత్ భూషణ్ తెలిపారు.
