జపాన్లో అత్యంత ఎత్తయిన ఫుజి పర్వత వాతావరణంలో ఊహించని మార్పులు చోటు చేసుకుంటున్నాయి. ఎప్పుడూ దట్టమైన మంచుతో కప్పి ఉండే ఫుజి పర్వతం 130 ఏండ్ల చరిత్రలో మొదటిసారిగా అక్టోబర్ నెలలో రికార్డు స్థాయిలో మంచు రహితమైంది. సాధారణంగా అక్టోబర్ నెల ప్రారంభంలో ఈ పర్వత ప్రాంతంలో మంచు కురుస్తుంది. కానీ గ్లోబల్ వార్మింగ్ కారణంగా మంచు కురవడం లేదని పర్యావరణ నిపుణులు నివేదించారు.
జూన్, జులై, ఆగస్టు నెలల్లో ఉష్ణోగ్రతలు 1.06 డిగ్రీల సెల్సియస్ కంటే ఎక్కువగా 1.76 డిగ్రీల సెల్సియస్తో రికార్డు స్థాయిలో నమోదు అయ్యాయి. అలాగే, సెప్టెంబర్ నెలలో ఉప ఉష్ణమండల జెట్ స్ట్రీమ్స్ వల్ల ఉష్ణోగ్రతలు ఊహించిన దాని కంటే ఎక్కువ నమోదయ్యాయి.
ఫుజి పర్వతం
- మౌంట్ ఫుజి జపాన్లో అత్యంత ఎత్తయిన పర్వతం. దీని ఎత్తు 12,460 అడుగులు, దీనిని ఫుజి శాన్ అని కూడా పిలుస్తారు.
- ఫుజి పర్వతాన్ని గోరైకో అని కూడా పిలుస్తారు. అంటే కాంతి రాక అని అర్థం.
- ఫిలిప్పీన్స్ సముద్ర పలక కింద పసిఫిక్ పలక విచ్ఛిన్నం కావడం వల్ల ఫుజి పర్వతం ఏర్పడింది.
- ఈ పర్వతం హోన్షు అనే పెద్ద ద్వీపానికి సమీపంలో ఉంది.
- ఫుజి పర్వతం టండ్రా వాతావరణాన్ని కలిగి ఉంటుంది.
