నిర్మల్ : నిర్మల్ జిల్లా సారంగాపూర్ మండలం జామ్ గ్రామంలోని సోషల్ వెల్ఫేర్ రెసిడెన్షియల్ స్కూల్ లో ఐదో తరగతి విద్యార్థిని మృతి చెందింది. సోన్ మండలం పాక్పట్ల గ్రామానికి చెందిన మహిత (12) శుక్రవారం ఉదయం ఆస్తమా కారణంగా ఊపిరాడక మరణించినట్లు స్కూల్ సిబ్బంది చెప్పారు. అయితే పాప మృతిపై సర్పంచ్ విలాస్, బీజేపీ, ఏబీవీపీ కార్యకర్తలు అనుమానం వ్యక్తం చేశారు. ఆందోళన చేస్తున్న వీరిని పోలీసులు స్టేషన్ కు తరలించారు. ఈ ఘటనపై ఆరా తీసిన కలెక్టర్ సమగ్ర విచారణకు ఆదేశించారు. కేసు నమోదు చేసుకున్న పోలీసులు దర్యాప్తు చేస్తున్నారు.
