- అపార్ట్మెంట్ 9వ ఫ్లోర్ నుంచి దూకిన మహిళ
- ఘటనకు ముందు సూసైడ్ నోట్
మియాపూర్, వెలుగు : అపార్ట్మెంట్ బిల్డింగ్ నుంచి దూకి సాఫ్ట్ వేర్ఉద్యోగిని సూసైడ్చేసింది. మియాపూర్ మయూరినగర్కు చెందిన నెహ్రూ, సాయి సింధూర (29) దంపతులు. ఐటీ ఉద్యోగులుగా పనిచేస్తున్న వీరికి నాలుగేళ్ల కుమారుడు ఉన్నాడు. అనారోగ్య సమస్యలకు తోడు సింధూర తల్లి ఐదు నెలల కిందట మృతి చెందడంతో కొద్దిరోజులుగా ఆమె డిప్రెషన్లోకి వెళ్లింది.
ఈ క్రమంలో శుక్రవారం మధ్యాహ్నం తాను ఉంటున్న దివ్య శ్రీశక్తి అపార్ట్మెంట్ 9వ ఫ్లోర్ నుంచి కిందకు దూకి మృతి చెందింది. సంఘటనా స్థలానికి చేరుకున్న మియాపూర్పోలీసులు డెడ్బాడీని పోస్టుమార్టం నిమిత్తం గాంధీ ఆస్పత్రికి తరలించారు. సింధూర తండ్రి సూర్య ఫిర్యాదుతో కేసు నమోదు చేసి దర్యాప్తు చేపట్టారు.
మా నాన్నే నా హీరో..
మృతి చెందడానికి ముందు సింధూర రాసిన సూసైడ్ నోట్ను పోలీసులు స్వాధీనం చేసుకున్నారు. ‘‘మా నాన్నే నా హీరో, అనారోగ్య సమస్యల కారణంగా నా లైఫ్ డిప్రెషన్లో ఉంది. భర్తతో చిన్న చిన్న గొడవలు జరుగుతున్నాయి’’ అనే విషయాలను సూసైడ్ నోట్లో సింధూర రాసినట్లు పోలీసుల ద్వారా తెలిసింది.
