అక్టోబర్ 2 న ఆకాశంలో మరో అద్భుత ఖగోళఘట్టం చోటుచేసుకో బోతోంది. అక్టోబర్ 2న 'రింగ్ ఆఫ్ ఫైర్' సూర్యగ్రహణం ఏర్పడనుందని ఖగోళ శాస్త్రవేత్తలు వెల్లడించారు. భారత కాలమానం ప్రకారం రాత్రి 9.13 గంటలకు సూర్యగ్రహణం ప్రారంభమవుతుంది. ఆ సమయంలో మన దేశంలో రాత్రి కావడంతో గ్రహణం కనిపించదని ఖగోళ శాస్త్రవేత్తలు వెల్లడించారు. పసిఫిక్ మహాసముద్రం, దక్షిణ చిలీ, దక్షిణ అర్జెంటీనాలోని కొన్ని ప్రాంతాలలో గ్రహణం కనిపిస్తుందని పేర్కొన్నారు.
ALSO READ | ఆధ్యాత్మికం: నవగ్రహాలను పూజిస్తే .. ఎలాంటి ఫలితాలు ఉంటాయో తెలుసా..
జ్యోతిష్య నిపుణులు తెలిపిన వివరాల ప్రకారం అక్టోబర్ 2 న సూర్యగ్రహణం ఏర్పడనుంది. ఆ రోజు మహాలయ అమావాస్య అంటే.. పితృపక్షం రోజున సూర్యగ్రహణం ఏర్పడుతుంది. సాధారణంగా అమావాస్య అంటేనే పెద్లలకు తర్పణాలు వదులుతారు.. ఆ రోజు ( అక్టోబర్ 2 న ) వరకు 15 రోజుల పాటు భూమిపై సంచరించిన పెద్దలు భూమికి వీడ్కోలు పలికి వారి గమ్య స్థానాలకు వెళతారని గరుడపురాణం ద్వారా తెలుస్తుంది. అక్టోబర్ 2న ఏర్పడే సూర్యగ్రహణం ప్రతికూలమని పండితులు చుబుతున్నారు. ఈ కాలంలో ప్రతి వ్యక్తి జాగ్రత్తగా ఉండాలంటున్నారు.
జ్యోతిష్య నిపుణులు తెలిపిన వివరాల ప్రకారం
- సూర్యగ్రహణ సమయంలో ఎలాంటి నిర్ణయాలు తీసుకోవద్దు
- ఆర్థికపరమైన విషయాలు చర్చించకూడదు
- గ్రహణ సమయంలో ఎలాంటి పదార్దాలు తినకూడదు.
- మంత్రోపదేశం పొందిన వారు అనుష్ఠానం చేసుకోవాలి
- గ్రహణం పట్టే ముందు.. విడిచిన తరువాత స్నానం చేయాలి.
- సూతకాలంలో నెగిటివ్ ఎనర్జీ ఉంటుంది.
నాసా తెలిపిన వివరాల ప్రకారం... అక్టోబర్ 2న ఏర్పడే సూర్యగ్రహణం భారతదేశంలో కనిపించదు. దీంతో ఇక్కడ సూతకాలం లేదు కాబట్టి.. మన దేశంలో ఎలాంటి నియమాలు పాటించాల్సిన అవసరంలేదని పండితులు చెబుతున్నారు. సాధారణంగా సూర్యగ్రహణానికి 12 గంటల ముందు సూతకాలం ప్రారంభమై... నెగిటివ్ ఎనర్జీ ఉంటుంది. అందుకే గ్రహణ సమయాన్ని అశుభంగా భావిస్తారు. ఈ సమయంలో రాహువు, కేతువు .. ఈ రెండు గ్రహాల శక్తి బలంగా ఉంటుందని... అందుకే ఈ సమయంలో ఎలాంటి పదార్ధాలను.. తినకూడదని.. కనీసం మంచినీళ్లు కూడా తాగకూడదని పండితులు చెబుతుంటారు. రాహు.. కేతు గ్రహాల దృష్టి సోకకుండి ఇళ్లపై.. నిల్వ పచ్చళ్లపై దర్భలు ఉంచుతారు.
ఈ ప్రదేశాల్లో సూర్యగ్రహణాన్ని వీక్షించవచ్చు,,
నాసా వెబ్‌సైట్ ప్రకారం... అంటార్కిటికా.. ఉత్తర అమెరికా .. దక్షిణ అమెరికా.. అట్లాంటిక్ మహా సముద్రం.. పసిఫిక్ మహా సముద్రం ప్రాంతాల్లో సూర్యగ్రహణం పాక్షికంగా కనపడుతుంది. దక్షిణ అమెరికాలో మాత్రం కంకణాకారంలో సూర్యగ్రహణం ఏర్పడుతుంది. సూర్యుడి చుట్టూ ఎర్రటి వలయాకారం ఏర్పడుతుంది కాబట్టి దీన్ని రింగ్ ఆఫ్ ఫైర్ అని పిలుస్తారు.
