- టీచర్ఉద్యోగం కోసం దొడ్డిదారి ప్రయత్నాలు
- అధికారులకు ఫిర్యాదు
మెదక్, వెలుగు: టీచర్ ఉద్యోగం సంపాదించేందుకు కొందరు దొడ్డిదారిన ప్రయత్నాలు చేస్తున్నారు. అర్హత లేకున్నా తహసీల్దార్ఆఫీస్ ల నుంచి ఈడబ్ల్యూఎస్సర్టిఫికెట్లు సంపాదించి వాటి ఆధారంగా ఉద్యోగాలు పొందే ప్రయత్నం చేశారు. దీంతో అర్హత ఉన్న అభ్యర్థులుఉన్నతాధికారులకు ఫిర్యాదు చేశారు. ఇటీవల వెలువడిన డీఎస్సీ ఫలితాల్లో1:3 కింద ఎంపికైన అభ్యర్థుల సర్టిఫికేషన్వెరిఫికేషన్కొనసాగుతోంది. మెదక్జిల్లాలో ఈ డబ్ల్యూఎస్ కింద 13 పోస్టులు ఉండగా 1:3 లెక్కన 39 మందిని పిలిచారు.
ఈ మేరకు వారు సంబంధిత సర్టిఫికెట్లు సమర్పించారు. వారిలో హవేలీ ఘన్పూర్మండలానికి చెందిన ప్రభుత్వ ఉద్యోగుల భార్యలైన ఇద్దరు మహిళా అభ్యర్థులు అర్హత లేకున్నా తహసీల్దార్ ఆఫీస్ల నుంచి ఈ డబ్ల్యూఎస్ సర్టిఫికెట్లు సంపాదించి వాటిని సమర్పించారు.
ఈ విషయమై మెదక్కు చెందిన నిఖిత, రేగోడ్కు చెందిన నరేశ్అడిషనల్కలెక్టర్కు ఫిర్యాదు చేశారు. వారిద్దరూ అర్హత లేకున్నా దొడ్డిదారిన ఈడబ్ల్యూఎస్ కోటాలో ఉద్యోగాలు పొందేందుకు ప్రయత్నం చేస్తున్నారని, వారి కారణంగా నిజమైన అర్హులు ఉద్యోగాలు కోల్పోవలసి వస్తుందని తెలిపారు. అధికారులు స్పందించి న్యాయం చేయకుంటే తాము లీగల్గా ప్రొసీడ్అవుతామని పేర్కొన్నారు. ఈ విషయమై డీఈవో వివరణ కోరగా ఈడబ్ల్యూఎస్సర్టిఫికెట్ల విషయంలో ఇద్దరు అభ్యర్థులపై ఫిర్యాదు అందగా వారిని రిజెక్ట్ చేస్తున్నట్టు తెలిపారు.
