సికింద్రాబాద్, వెలుగు: కదులుతున్న ఎంఎంటీఎస్ రైలును పట్టుకుని వేళాడుతూ కొందరు పిల్లలు ప్రమాదకరమైన స్టంట్లు చేశారు. రైలు ఎక్కుతూ, దిగుతూ స్టంట్లు చేస్తున్న వీడియో సోషల్ మీడియాలో వైరల్ అవుతోంది.
కాచిగూడ నుంచి చందానగర్ వెళుతున్న ఎంఎంటీఎస్ రైలులో కాచిగూడ స్టేషన్లో నలుగురు అబ్బాయిలు రైలు ఎక్కారు. రైలు స్టేషన్ కదులుతున్న క్రమంలో ఫీట్లుచేశారు. ఇతర ప్రయాణీకులు వారించినా వారు వినకుండా డోర్ వద్దనే ఉంటూ డోర్ వద్దనే వేళాడారు. ఏదైనా జరుగకూడనిది జరిగితే ఎవరిది బాధ్యత అని కామెంట్లు చేస్తున్నారు.
