ఫ్రేజర్ మెక్‌గుర్క్.. ప్రస్తుతం ఈ పేరు మారు మ్రోగిపోతుంది. ఐపీఎల్ తొలి మ్యాచ్ లోనే జూలు విదిల్చాడు. సాధారణంగా భారత్ లాంటి పిచ్ లపై ఆడటం చాలా కష్టం. కానీ ఈ 21 ఏళ్ళ ఆసీస్ కుర్రాడు ఏ మాత్రం తడబాటు లేకుండా ఆడాడు. ఒత్తిడిలోనూ ఎటాకింగ్ చేస్తూ అర్ధ సెంచరీతో మెరిశాడు. 35 బాల్స్‌‌‌‌లో 2 ఫోర్లు, 5 సిక్స్‌‌‌‌లతో 55 పరుగులు చేసి టాప్ స్కోరర్ గా నిలిచాడు. మూడో స్థానంలో బ్యాటింగ్ కు వచ్చి మెరుపులు మెరిపించాడు. దీంతో ఇప్పుడు ఈ యువ ఆటగాడు ఎవరో తెలుసుకోవాలని నెటిజన్స్ తెగ వెతికేస్తున్నారు.
ఫ్రేజర్ మెక్‌గుర్క్ ఆస్ట్రేలియా క్రికెట్ లో కొన్ని నెలల నుంచి సంచలనంగా మారింది. ఈ 21 ఏళ్ళ క్రికెటర్ దేశవాళీ క్రికెట్ లో, బిగ్ బాష్ లీగ్ లో సత్తా చాటుతూ పాపులర్ అయ్యాడు. హ్యారీ బ్రూక్ గాయపడడంతో ఈ యువ ఆటగాడిని ఢిల్లీ క్యాపిటల్స్ ఎంపిక చేసింది. ఫ్రేజర్-మెక్‌గర్క్ ఏప్రిల్ 11, 2002న విక్టోరియాలో జన్మించాడు. పదవ సంవత్సరం వరకు కారీ బాప్టిస్ట్ గ్రామర్ స్కూల్‌కు వెళ్లి.. ఆ తర్వాత SEDA కాలేజీలో తన చివరి రెండు సంవత్సరాల పాఠశాల విద్యను పూర్తి చేశాడు. 9 సంవత్సరాల వయస్సులో బోరుందరా క్రికెట్ క్లబ్ కోసం జూనియర్ క్రికెట్ ఆడటం ప్రారంభించాడు.
మెక్‌గుర్క్ గత ఏడాది కేవ‌లం 29 బంతుల్లోనే సెంచరీ చేసి చ‌రిత్ర సృష్టించాడు. ఈ క్రమంలో లిస్ట్-ఏ (అంత‌ర్జాతీయ వ‌న్డేలు, దేశ‌వాలీ వ‌న్డే టోర్నీలు) క్రికెట్‌లో వేగ‌వంత‌మైన శ‌త‌కాన్ని న‌మోదు చేసిన ఆట‌గాడిగా రికార్డుల‌కు ఎక్కాడు. మొత్తంగా 38 బంతులు ఆడిన ప్రేజ‌ర్ 10 ఫోర్లు, 13 సిక్స‌ర్ల‌తో 125 పరుగులతో విధ్వంసం సృష్టించాడు. 2015లో లిస్ట్-ఏ క్రికెట్‌లో సౌతాఫ్రికా దిగ్గ‌జ ఆటగాడు ఏబీ డివిలియ‌ర్స్ పేరిట ఉన్న రికార్డును బ‌ద్ద‌లు కొట్టాడు. బిగ్ బాష్ లీగ్ లో ఓపెనర్ గా వచ్చి పరుగుల వరద పారించి.. ఆసీస్ జట్టులో స్థానం సంపాదించాడు.
Good Night Jake Fraser McGurk Nationpic.twitter.com/j4GLd3q1h0
— 𝑨𝑩𝕏𝑫 || StubbsHive (@abxdalt) April 12, 2024
