- సీజన్లు మారుతున్నా డెలివరీ మాత్రం పుంజుకోవడం లేదు
- ప్రతీ సీజన్లోనూ అంతే
- యాదాద్రిలో వానాకాలం పెండింగ్ 26 ,183 టన్నులు
- యాసంగి పెండింగ్ 1.06 లక్షల టన్నులు
- 14 మిల్లులో 68,430 టన్నులు
యాదాద్రి, వెలుగు : సీఎంఆర్ డెలివరీలో కొన్ని మిల్లులు ఎక్కువగా జాప్యం చేస్తున్నాయి. యాదాద్రి జిల్లాలో పెండింగ్లో ఉన్న సీఎంఆర్లో ఎక్కువ శాతం ఆ మిల్లుల వద్దే ఉన్నాయి. సీజన్లు మారుతున్నా డెలివరీ ఏ మాత్రం పుంజుకోవడం లేదు. 2023 వానాకాలం, 2023-–24 యాసంగి సీజన్లలో యాదాద్రి జిల్లాలోని మిల్లర్లకు 5,35,832 టన్నుల వడ్లను సివిల్ సప్లయ్ డిపార్ట్మెంట్అప్పగించింది. ఈ వడ్ల విలువ రూ. 1178.83 కోట్లు ఉంటుంది. 2023 వానాకాలం సీజన్కు సంబంధించి 47 మిల్లులకు 2,65,197 టన్నుల వడ్లు అప్పగించారు. దీంట్లో 1,77,682 టన్నుల సీఎంఆర్ డెలివరీ చేయాల్సి ఉండగా 1,51, 499 (86 శాతం) టన్నులు డెలివరీ చేశారు.
ఇంకా 26,183 టన్నుల బియ్యం డెలివరీ చేయాల్సి ఉంది. 47 మంది మిల్లర్లలో 16 మంది వందశాతం సీఎంఆర్ అప్పగించారు. 2023–-24 యాసంగి సీజన్వడ్లు 37 మిల్లులకు 2,70,635 టన్నుల వడ్లను అప్పగించారు. దీనికి సంబంధించి 1,81,325 టన్నుల సీఎంఆర్ అప్పగించాల్సి ఉంది. అయితే ఇప్పటివరకు 74,983 టన్నులు అంటే 39 శాతం సీఎంఆర్ డెలివరీ చేశారు. ఇంకా 1,06,342 టన్నుల బియ్యం డెలివరీ చేయాల్సి ఉంది. ఈ సీజన్లో మూడు మిల్లులు వంద శాతం సీఎంఆర్అప్పగించాయి.
రా రైస్డెలివరీ వెరీ పూర్..
రా రైస్ విషయంలో మరీ స్లోగా అప్పగిస్తున్నారు. 2023 వానాకాలం సీజన్లో 98,813 టన్నుల రా రైస్ను అందించాల్సి ఉండగా, ఇప్పటివరకు 87,782 టన్నులు అందించారు. ఏడాది కావొస్తున్నా 11,300 టన్నులు ఇంకా పెండింగ్లోనే ఉన్నాయి. 2023–-24 యాసంగి సీజన్లో 7,865 టన్నులు రా రైస్ అందించాల్సి ఉండగా, ఇప్పటివరకు 833 టన్నులు మాత్రమే అందించారు. ఇంకా 7032 టన్నులు పెండింగ్లో ఉంది.
కొన్ని మిల్లుల్లోనే ఎక్కువ పెండింగ్..
జిల్లాలోని కొన్ని మిల్లులు సీఎంఆర్విషయంలో మరీ నిర్లక్ష్యంగా వ్యవహరిస్తున్నాయి. కొనుగోళ్ల సమయంలో ఎక్కువ వడ్లు తీసుకుంటూ సీఎంఆర్డెలివరీ విషయంలో స్లోగా ఉంటున్నాయి. ప్రతి సీజన్లోనూ సీఎంఆర్ డెలివరీ విషయంలో నిర్లక్ష్యంగానే వ్యవహరిస్తున్నాయి. 2023 వానాకాలం సీజన్కు 47 మిల్లులకు సీఎంఆర్ అప్పగించారు. ఈ సీజన్కు సంబంధించి 26,183 టన్నుల సీఎంఆర్పెండింగ్లో ఉండగా, ఇందులో 12 మిల్లుల్లోనే 19,757 టన్నులు పెండింగ్ఉంది.
ఇందులో రైస్మిల్లర్అసోసియేషన్రాష్ట్ర అధ్యక్షుడి రెండు మిల్లులకు సంబంధించి 4,507 టన్నులు పెండింగ్ లో ఉన్నాయి. 2023–-24 యాసంగి సీజన్కు సంబంధించి 37 మిల్లుల్లో 1.06 లక్షల టన్నుల సీఎంఆర్ పెండింగ్లో ఉంది. ఇందులో 14 మిల్లుల్లోనే 68,430 టన్నుల సీఎంఆర్పెండింగ్ఉంది. ఇందులో రాష్ట్ర రైస్మిలర్ల అసోసియేషన్అధ్యక్షుడి రెండు మిల్లుల్లో 8,869 టన్నులు పెండింగ్లో ఉంటే.. మరో రెండు మిల్లుల్లో 16 వేల టన్నులు పెండింగ్లో ఉండడం గమనార్హం.
అన్నింటినీ ఒకే గాటన కట్టేస్తున్నరు
సీఎంఆర్ విషయంలో కొందరు మిల్లర్లు లేట్చేస్తున్నరు. లేట్చేస్తున్న వారి వద్దే ఎక్కువ మొత్తంలో పెండింగ్ ఉంటోంది. ఈ కొందరి వల్ల అందరికీ ఒకే గాటన కట్టేస్తున్నారు. - ఒక మిల్లరు
