హైదరాబాద్ : సిటీలో దొంగలు రెచ్చిపోతున్నారు. తేరగా వచ్చే డబ్బుకోసం ఎంతకైనా తెగిస్తున్నారు. కూకట్ పల్లి హౌసింగ్ బోర్డు SBI బ్యాంక్ కు కన్నం వేయాలని కొందరు దుండగులు సోమవారం ప్రయత్నించారు. 2024, జూన్ 2వ తేదీ అర్థరాత్రి బ్యాంక్ బిల్డింగ్ కిటికిలకు ఉన్న గ్రిల్స్ తొలగించి దొంగలు బ్యాంక్ లోపలికి ప్రవేశించారు. ఏకంగా వెల్డింగ్ గ్యాస్ కట్టర్ తో బ్యాంక్ లాకర్ ను తెరవడానికి ప్రయాత్నించారు.
ఎంత ట్రై చేసినా లాకర్ ఓపెన్ కాకపోవడంతో దుండగులు అక్కడని నుంచి తప్పించుకొని వెళ్లారు. బ్యాంక్ సిబ్బంది KPHB పోలీసులకు కంప్లెయింట్ ఇచ్చారు. పోలీసులు కేసు ఫైల్ చేసి దర్యాప్తు చేస్తున్నారు.
