వెంకటేష్ హీరోగా అనిల్ రావిపూడి దర్శకత్వంలో రూపొందుతోన్న చిత్రం ‘సంక్రాంతికి వస్తున్నాం’. మీనాక్షి చౌదరి, ఐశ్వర్య రాజేష్ హీరోయిన్స్‌‌గా నటిస్తున్నారు. ఈ సినిమా షూటింగ్ చివరి దశకు చేరుకుంది. ప్రస్తుతం వెంకటేష్, అతని ఎక్స్ గర్ల్ ఫ్రెండ్ పాత్ర పోషిస్తున్న మీనాక్షి చౌదరిపై ఒక బ్యూటీఫుల్ సాంగ్‌‌ని చిత్రీకరిస్తున్నారు. డెహ్రాడూన్, ముస్సోరీ, రిషికేశ్‌‌లోని అద్భుతమైన లొకేషన్లలో ఈ సాంగ్ షూట్ చేస్తున్నారు.
భీమ్స్ సిసిరోలియో కంపోజ్ చేసిన ఈ పాటకు అనంత శ్రీరామ్ లిరిక్స్ అందించగా, భాను మాస్టర్ కొరియోగ్రఫీ చేస్తున్నారు. దిల్ రాజు, శిరీష్ నిర్మిస్తున్న ఈ చిత్రంలో ఉపేంద్ర లిమాయే, రాజేంద్ర ప్రసాద్, సాయి కుమార్, నరేష్, వీటీ గణేష్, మురళీధర్ గౌడ్ ఇతర పాత్రలు పోషిస్తున్నారు. సంక్రాంతి కానుకగా జనవరి 14న సినిమా విడుదల కానుంది. త్వరలోనే మ్యూజికల్ ప్రమోషన్స్ స్టార్ట్ చేసేలా ప్లాన్ చేస్తున్నారు.
