- కరోనా బారిన పడ్డ బాడీ బిల్డర్కు యశోదలో మెరుగైన ట్రీట్ మెంట్
- ఆర్థిక సాయం అందించిన యాక్టర్ సోనూసూద్
- క్రిటికల్ కండీషన్ నుంచి కోలుకున్న బిల్డర్ సుశీల్ కుమార్
హైదరాబాద్,వెలుగు: కరోనా బారిన పడి, తీవ్ర ఇన్ఫెక్షన్తో బాధపడుతున్న తెలంగాణ యువ బాడీ బిల్డర్ సుశీల్ కుమార్(32)కు యశోద హాస్పిటల్స్ డాక్టర్లు మెరుగైన ట్రీట్ మెంట్ అందించారు. ప్రస్తుతం సుశీల్ కుమార్ క్రిటికల్ కండీషన్ నుంచి కోలుకుంటున్నాడు. కొన్నిరోజుల క్రితం సుశీల్ కుమార్ కరోనాతో అత్యంత సీరియస్ కండీషన్లో మలక్ పేట యశోద హాస్పిటల్లో అడ్మిట్ అయ్యాడు. వైరస్ తీవ్రత ఎక్కువగా ఉండటంతో అతడి లంగ్స్ 80 శాతం మేర డ్యామేజ్ అయ్యాయి. ఇలాంటి పరిస్థితిలో ఉన్న సుశీల్ కుమార్కు యశోద హాస్పిటల్లోని ఇంటర్వెన్షనల్ పల్మనాలజిస్ట్ ట్రీట్మెంట్ అందించారు. ప్రోనింగ్, ప్రారంభ ట్రాకియోస్టోమీ, మార్గదర్శక- ఆధారిత అత్యాధునిక వైద్యంతో పాటు ఇంక్యుబేషన్, మెకానికల్ వెంటిలేషన్ను అతడి కోసం ఏర్పాటు చేశారు. రెండు వారాల్లోనే వెంటిలేటర్ లేకుండా ఊపిరి పీల్చుకునేలా సుశీల్కుమార్కు ట్రీట్మెంట్ చేసినట్లు యశోద హాస్పిటల్స్ డైరెక్టర్ డాక్టర్ పవన్ గోరుకంటి తెలిపారు. సుశీల్ క్రీడా నేపథ్యం తెలుసుకుని, మెరుగైన వైద్యం అందించేందుకు యాక్టర్ సోనూసూద్ చేసిన సాయం ఎంతో గొప్పదన్నారు. సుశీల్కుమార్ బాడీలో వైరస్ లోడ్ను తీవ్రమైన స్థాయి నుంచి తగ్గించి అతడిని సాధారణ ట్రీట్మెంట్ దశకు తీసుకొచ్చేందుకు నెలన్నర టైమ్ పట్టిందని యశోద హాస్పిటల్స్ సీనియర్ ఇంటర్వెన్షనల్ పల్మనాలజిస్ట్ డాక్టర్ విశ్వేశ్వరన్ బాలసుబ్రమణియన్ తెలిపారు.
