హైదరాబాద్ సిటీ, వెలుగు: లేక్ మ్యాన్ ఆఫ్ ఇండియాగా పేరు గాంచిన ఆనంద్ మ‌ల్లిగ‌వాడ్‌తో హైడ్రా క‌మిష‌న‌ర్ ఏవీ రంగ‌నాథ్ గురువారం వీడియో కాన్ఫరెన్స్ ద్వారా స‌మావేశమయ్యారు. బెంగ‌ళూరులో మురుగుతో నిండిన చెరువులను ఎలా మంచినీటి లేక్లుగా తీర్చిదిద్దారో పీపీటీ ద్వారా ఆనంద్ వివరించారు.
ఈ విధానం తీరును తెలుసుకునేందుకు త్వరలోనే హైడ్రా టీమ్ బెంగళూరుకు వెళ్లి క్షేత్రస్థాయిలో ప‌రిశీలించనుంది. అలాగే ఆనంద్ మ‌ల్లిగ‌వాడ్‌ను కూడా సిటీకి పిలిపించి చెరువుల పున‌రుద్ధర‌ణ‌పై స‌హాయ స‌హ‌కారాల‌ను అంద‌జేయాలని కోర‌నుంది.
