SA vs IND,1st ODI: టాస్ గెలిచి బ్యాటింగ్ తీసుకున్న దక్షిణాఫ్రికా..తుది జట్టులో సాయి సుదర్శన్

భారత్, దక్షిణాఫ్రికా మధ్య జోహనెస్ బర్గ్ వేదికగా తొలి వన్డే జరగబోతుంది. వాండరర్స్ స్టేడియంలో జరగనున్న ఈ మ్యాచ్ లో సఫారీలు టాస్ గెలిచి బ్యాటింగ్ ఎంచుకున్నారు. టీ20 సిరీస్ లో వరుసగా టాస్ ఓడిపోయిన భారత్.. వన్డేల్లోనూ దురదృష్టం వెంటాడుతుంది. మధ్యాహ్నం 1:30 నిమిషాలకు మ్యాచ్ ప్రారంభమవుతుంది. డిస్నీ ప్లస్ హాట్ స్టార్ లో ఈ మ్యాచ్ లైవ్ ప్రసారమవుతుంది.

ఈ మ్యాచ్ లో భారత్ తరపున తమిళ్ నాడు బ్యాటర్ సాయి సుదర్శన్ అంతర్జాతీయ క్రికెట్ లో తొలి మ్యాచ్ ఆడనున్నాడు. హైదరాబాద్ ప్లేయర్ తిలక్ వర్మకు సైతం తుది జట్టులో చోటు లభించింది. లెగ్ స్పిన్నర్ చాహల్ కు మాత్రం అవకాశం లభించలేదు.

దక్షిణాఫ్రికా (ప్లేయింగ్ XI):

రీజా హెండ్రిక్స్, టోనీ డి జోర్జి, రాస్సీ వాన్ డెర్ డస్సెన్, ఐడెన్ మార్క్‌రామ్(కెప్టెన్ ), హెన్రిచ్ క్లాసెన్(వికెట్ కీపర్), డేవిడ్ మిల్లర్, వియాన్ ముల్డర్, ఆండిలే ఫెహ్లుక్వాయో, కేశవ్ మహరాజ్, నాండ్రే బర్గర్, తబ్రైజ్ షమ్సీ

భారత్ (ప్లేయింగ్ XI):

KL రాహుల్(కెప్టెన్, వికెట్ కీపర్), రుతురాజ్ గైక్వాడ్, సాయి సుదర్శన్, శ్రేయాస్ అయ్యర్, తిలక్ వర్మ, సంజు శాంసన్, అక్షర్ పటేల్, అర్ష్‌దీప్ సింగ్, అవేష్ ఖాన్, కుల్దీప్ యాదవ్, ముఖేష్ కుమార్