సెంచూరియన్‌ వేదికగా సౌతాఫ్రికాతో నేడు (నవంబర్ 13) భారత్ మూడో టీ20 ప్రారంభమైంది. సూపర్‌‌‌‌స్పోర్ట్‌ పార్క్‌ స్టేడియంలో జరగనున్న ఈ మ్యాచ్ లో.. సౌతాఫ్రికా టాస్ గెలిచి ఫీల్డింగ్ తీసుకుంది. ఈ సిరీస్ లో టాస్ ఓడిపోవడం భారత్ కు ఇది వరుసగా మూడో సారి. చెరో మ్యాచ్ గెలవడంతో ఈ సిరీస్ లో ఆధిక్యం సాధించేందుకు ఇరు జట్లు విజయమే లక్ష్యంగా బరిలోకి దిగుతున్నాయి. సిరీస్ లో తొలి టీ20 లో భారత్ గెలవగా.. రెండో టీ20లో పుంజుకొని సఫారీలు విజయం సాధించారు.
ప్రస్తుతం నాలుగు మ్యాచ్ ల టీ20 సిరీస్ లో ఇరు జట్లు 1-1 తో సమంగా ఉన్నాయి. ఈ మ్యాచ్ లో సౌతాఫ్రికా, భారత్ ఒక మార్పుతో బరిలోకి దిగుతున్నాయి. భారత జట్టులో అవేశ్ ఖాన్ స్థానంలో రమణ్ దీప్ సింగ్ కు తుది జట్టులో ఛాన్స్ దక్కింది. మరోవైపు లూథో సిపమ్లా సౌతాఫ్రికా ప్లేయింగ్ 11 లో చోటు సంపాదించాడు.
భారత తుది జట్టు:
అభిషేక్ శర్మ, సంజు శాంసన్, సూర్యకుమార్ యాదవ్ (కెప్టెన్), తిలక్ వర్మ, అక్షర్ పటేల్, హార్దిక్ పాండ్యా, రింకు సింగ్, అర్ష్‌దీప్ సింగ్, రవి బిష్ణోయ్, రమణ్ దీప్ సింగ్, వరుణ్ చక్రవర్తి,
సౌతాఫ్రికా తుది జట్టు:
రీజా హెండ్రిక్స్, ర్యాన్ రికెల్టన్, ఐడెన్ మార్క్రామ్ (కెప్టెన్), ట్రిస్టన్ స్టబ్స్, హెన్రిచ్ క్లాసెన్, డేవిడ్ మిల్లర్, మార్కో జాన్సెన్, కేశవ్ మహారాజ్, గెరాల్డ్ కోయెట్జీ, ఆండిలే సిమెలన్, లూథో సిపమ్లా
