పద్మారావునగర్, వెలుగు: సికింద్రాబాద్ రైల్వే కోచింగ్ డిపోలో సౌత్ సెంట్రల్ రైల్వే ట్రేడ్ యూనియన్ గుర్తింపు సంఘ ఎన్నికలు గురువారం ప్రశాంతంగా జరిగాయి. ఐదు ట్రేడ్ యూనియన్లు పోటీలో ఉండగా, సాయంత్రం 6 వరకు పోలింగ్ జరిగింది. ఎస్సీఆర్ఈఎస్, ఎస్‌సీఆర్ఎంయూ సంఘాల మధ్య గట్టి పోటీ నెలకొందని పరిశీలకులు తెలిపారు.
సంఘ జనరల్ సెక్రెటరీ మర్రి రాఘవయ్య పోలింగ్ కేంద్రాల వద్ద ఓటింగ్సరళిని పరిశీలించారు. సౌత్ సెంట్రల్ రైల్వే పరిధి కింద మొత్తం 7,8434 ఉద్యోగ సిబ్బంది ఓటర్లు ఉన్నారు. సికింద్రాబాద్ రైల్వే కోచింగ్ డిపో పోలింగ్ కేంద్రంలో మొత్తం 917 ఓటర్లు ఉన్నారు. ఎన్నికల ఓట్ల లెక్కింపు ఈనెల 11న ఉంటుందని ఎన్నికల పరిశీలకులు తెలిపారు.
