న్యూఢిల్లీ: వచ్చే వారంలో సావరిన్ గోల్డ్ బాండ్స్ ఇష్యూ మొదలవనుంది. ఈ ఫైనాన్షియల్ ఇయర్లో మొదటిదైన ఈ సావరిన్ గోల్డ్ బాండ్స్ ఇష్యూ కింద గ్రాము బంగారానికి రూ. 5,926 రేటును ప్రభుత్వం నిర్ణయించింది. 2023–24 సావరిన్ గోల్డ్బాండ్స్ ఇష్యూ మొదటి ట్రాంచ్ఈ నెల 19 న మొదలయి ఇదే నెల 23 న ముగియనుంది. రెండో ట్రాంచ్ సావరిన్ గోల్డ్ బాండ్స్ ఇష్యూ సెప్టెంబర్ 2023 లో రానుంది.
2015 లో సావరిన్ గోల్డ్ బాండ్స్ ఇష్యూ మొదలయినప్పటి నుంచి ఇప్పటిదాకా రిజర్వ్ బ్యాంక్ ఆఫ్ ఇండియా మొత్తం రూ. 30 వేల కోట్లను వాటి నుంచి సమీకరించినట్లు మిల్వుడ్ కేన్ ఇంటర్నేషనల్ సీఈఓ నిష్ భట్ చెప్పారు. గోల్డ్‌‌‌‌‌‌‌‌‌‌‌‌‌‌‌‌లో పెట్టుబడులు పెట్టాలనుకునే రిటెయిల్ ఇన్వెస్టర్లకు ఇదొక మంచి అవకాశమని అన్నారు. ఒక గ్రాము నుంచి 4 కిలోల దాకా పెట్టుబడులను సావరిన్ గోల్డ్బాండ్స్ ఇష్యూ కింద పెట్టొచ్చు. బాండ్స్ డీమెటీరియలైజ్డ్రూపంలో ఉండటంతో వాటి నిర్వహణ చాలా సులభమవుతుంది.
