భద్రాద్రికొత్తగూడెం, వెలుగు : ఆన్లైన్మోసాలపై ప్రజలకు ఎప్పటికప్పుడు అవగాహన కల్పించాలని ఎస్పీ బి.రోహిత్ రాజు అధికారులకు సూచించారు. చుంచుపల్లి పోలీస్స్టేషన్లోని డిస్ట్రిక్ట్ సైబర్ క్రైమ్స్కో ఆర్డినేషన్ సెంటర్ను ఆయన శుక్రవారం సందర్శించారు. జిల్లాలో పోలీస్ స్టేషన్ల వారీగా సైబర్ క్రైమ్స్ వివరాలను అడిగి తెలుసుకున్నారు. ఈ సందర్భంగా ఆయన మాట్లాడుతూ సైబర్ నేరాలపై నిత్యం అవగాహన సదస్సులు ఏర్పాటు చేయాలన్నారు.
ఆన్లైన్ మోసాలకు గురైనవారు వెంటనే పోలీస్లకు కంప్లైంట్ ఇస్తే న్యాయం జరుగుతుందని చెప్పారు. అనంతరం పోలీస్ స్టేషన్ను తనిఖీ చేశారు. స్టేషన్ కు వచ్చే బాధితులతో మర్యాదగా మెలగాలని పోలీసులకు సూచించారు. పెండింగ్లో ఉన్న కేసులను త్వరగా పరిష్కరించేందుకు చర్యలు తీసుకోవాలన్నారు. ఈ ప్రోగ్రాంలో చుంచుపల్లి సీఐ వెంకటేశ్వర్లు, సైబర్ క్రైమ్స్ ఇన్ స్పెక్టర్ జితేందర్, ఎస్సైలు రవి, జుబేదా బేగం పాల్గొన్నారు.
