- హిడ్మా తల్లిని కలిసి మాట్లాడిన సుక్మా ఎస్పీ
భద్రాచలం, వెలుగు: ఛత్తీస్గఢ్ దండకారణ్యంలోని సుక్మా జిల్లా పువ్వర్తిలో శనివారం సీఆర్పీఎఫ్ బేస్క్యాంప్ఏర్పాటు చేయగా, ఎస్పీ కిరణ్చవాన్ ఆదివారం గ్రామానికి చేరుకున్నారు. మోస్ట్వాటెండ్ మావోయిస్ట్ అగ్రనేత హిడ్మా ఇంటికి వెళ్లారు. హిడ్మా తల్లిని కలిసి మాట్లాడారు. సీఆర్ పీఎఫ్ బేస్క్యాంప్ఏర్పాటు తర్వాత పువ్వర్తి గ్రామస్తులు, మావోయిస్టులు అడవుల్లోకి పారిపోయారు.
గ్రామస్తులంతా తిరిగి గ్రామంలోకి రావాలని ఎస్పీ కిరణ్చవాన్ కోరారు. గ్రామం భద్రతా బలగాల అదుపులో ఉందని, పూర్తి భద్రత కల్పిస్తామని హామీ ఇచ్చారు. హిడ్మాతో పాటు టేకులగూడెం బేస్క్యాంపు దాడి సూత్రధారి, బెటాలియన్–1 కమాండర్బార్సే దేవతోపాటు గ్రామానికి చెందిన మావోయిస్టులు జనజీవన స్రవంతిలో కలవాలని కోరారు. గ్రామంలోని వారి కుటుంబ సభ్యులతో చర్చించారు. హిడ్మా, బార్సే దేవ తల్లిదండ్రులతోపాటు కుటుంబ సభ్యులకు అన్ని రకాల వసతులు కల్పిస్తున్నట్లు ఎస్పీ స్పష్టం చేశారు.
