- ఎస్పీ రావుల గిరిధర్
వనపర్తి, వెలుగు : ప్రజలు నిర్భయంగా, మూడో వ్యక్తి ప్రమేయం లేకుండా పోలీసు సేవల్ని వినియోగించుకుంటూ, వారి సమస్యలను చట్ట ప్రకారం పరిష్కరించుకోవాలని ఎస్పీ రావుల గిరిధర్ అన్నారు. సోమవారం జిల్లా పోలీసు కార్యాలయంలో నిర్వహించిన ప్రజావాణి కార్యక్రమంలో బాధితుల నుంచి అర్జీలను స్వీకరించారు.
ఫిర్యాదుదారుల సమస్యలను విని వాటిని చట్టప్రకారం పరిష్కరించాల్సిందిగా సంబందిత పోలీస్ స్టేషన్ అధికారులకు పలుసూచనలు చేశారు. జిల్లాలోని వివిధ ప్రాంతాల నుండి వచ్చిన 11 ఫిర్యాదులలో నాలుగు భూఫిర్యాదులు, అయిదు పరస్పర గొడవలు, రెండు భార్యాభర్తలకు సంబంధించిన గొడవల ఫిర్యాదులు వచ్చాయి.
