గద్వాల, వెలుగు: రోడ్ సేఫ్టీ రూల్స్ ను పాటించడంతోనే రోడ్డు ప్రమాదాలను నివారించవచ్చని ఎస్పీ రితిరాజ్ పేర్కొన్నారు. రోడ్డు భద్రతా వారోత్సవాల్లో భాగంగా రూల్స్పై అవగాహన కల్పించాలని పోలీస్ ఆఫీసర్లను ఆదేశించారు.
మూడు రోజుల పాటు హెల్మెట్ ధరించిన వారిని అభినందిస్తూ కార్యక్రమాలు చేపట్టాలని సూచించారు. ఆ తరువాత హెల్మెట్ ధరించని వారికి ఫైన్ విధించాలని సూచించారు. ఇందులోభాగంగా మంగళవారం జిల్లా వ్యాప్తంగా వాహనదారులకు రోడ్డు భద్రతా నియమాలను వివరించారు. హెల్మెట్ ధరించిన వారిని అభినందించారు
