తాడ్వాయి, వెలుగు: రహదారులను ఆక్రమిస్తూ రోడ్డుకు ఇరువైపులా వాహనాలను నిలిపితే కేసులు నమోదు చేయాలని ములుగు ఎస్పీ శబరీశ్ సిబ్బందికి సూచించారు. శుక్రవారం ములుగు జిల్లా తాడ్వాయి పోలీస్ స్టేషన్ ను ఆయన తనిఖీ చేశారు. ఈ సందర్భంగా స్టేషన్లోని రికార్డ్స్ ను పరిశీలించారు. కేసుల నమోదు, స్థితిగతులను ఎస్సై శ్రీకాంత్ రెడ్డిని అడిగి తెలుసుకున్నారు.
రోడ్డు ప్రమాదాలు నివారణకు రహదారులకు ఇరువైపులా రేడియం టేపులను ఏర్పాటు చేయాలన్నారు. మావోయిస్టుల కదలికలపై నిఘా పెంచాలన్నారు. అనంతరం కేసులు నమోదు చేసుకొని, స్టేషన్ ఆవరణలో ఉంచిన వాహనాలను పరిశీలించారు. కార్యక్రమంలో ములుగు డీఎస్పీ రవీందర్, పస్రా సీఐ రవీందర్ తదితరులు పాల్గొన్నారు.
