- టవర్ ప్రారంభించిన ఎస్పీ శబరీష్
ములుగు, తాడ్వాయి, వెలుగు : ఏజెన్సీలో సెల్ ఫోన్ సిగ్నల్స్ పనిచేయక గిరిజనులు మైదాన ప్రాంతాల వారితో సంబంధాలు తక్కువగా ఉండేవి. ఈ క్రమంలో ఎస్పీ డాక్టర్ పి.శబరీశ్ చొరవతో తాడ్వాయి మండలం బంధాల అడవుల్లో 4జీ సేవలు మొదలయ్యాయి. ఎయిర్టెల్ కంపెనీ ప్రతినిధులతో మాట్లాడిన ఎస్పీ టవర్ ఏర్పాటు చేయించగా బుధవారం ప్రారంభించారు.
దశాబ్ధాలుగా సెల్ సిగ్నల్స్ కు నోచుకోని ఆదివాసీ గిరిజనులకు 4జీ సేవలు అందడం సంతోషకరమన్నారు. ఈ టవర్ తో బంధాల, పోచాపూర్, అల్లిగూడెం, గొల్లపల్లి, నర్సాపూర్ తదితర మారుమూల గ్రామాల ప్రజలకు లబ్ది చేకూరుతుందన్నారు. ఏదైనా ఆపాద వస్తే 108కు సమాచారం ఇవ్వాలన్నా కూడా ఇబ్బందిగా ఉండేదని
సెల్ టవర్ ఏర్పాటుతో ఇబ్బందులు తొలగాయని పేర్కొన్నారు. ఈ కార్యక్రమంలో ఆపరేషన్ మేనేజర్ సుగుణాకర్ రెడ్డి, ప్రాజెక్టు మేనేజర్ సదానందం, మేనేజర్ రమేష్ బాబు, ప్రదీప్ మోతే, తదితరులు పాల్గొన్నారు.
