కామారెడ్డి, వెలుగు : కామారెడ్డి జిల్లాలో ఈ యేడు దొంగతనాలు పెరిగాయి. మర్డర్ కేసులు గతేడాది కంటే తగ్గాయి. ఓవరల్గా నిరుడి కంటే ఈ ఏడాది నేరాలు తగ్గినట్లు ఎస్పీ సింధూశర్మ పేర్కొన్నారు. శనివారం ఆమె జిల్లా పోలీస్ఆఫీస్లో మీడియాకు యాన్యువల్ క్రైమ్ రిపోర్ట్ను విడుదల చేశారు. 2023లో 5529 ఎఫ్ఐఆర్లు నమోదు అయినట్లు తెలిపారు. ఈ ఏడాది జిల్లావ్యాప్తంగా 706 దొంగతనాలు జరిగాయని, గతేడాదితో పోలిస్తే 63 కేసులు పెరిగాయన్నారు. దొంగతనాల్లో 65 శాతం కేసుల్లో నిందితులను అరెస్ట్ చేసి, వీరి నుంచి 63 శాతం సొత్తు రికవరీ చేసినట్లు తెలిపారు.
జిల్లాలో ఈ ఏడాది 28 మర్డర్లు కాగా, ఇందులో 20 కేసులు కుటుంబ సభ్యుల మధ్య గొడవలు, ఆస్తి తగాదాలకు సంబంధించినవే ఉన్నాయి. ఈ కేసులన్నింటిలోనూ నిందితులను అరెస్ట్ చేసినట్లు చెప్పారు. బాలికలపై వేధింపుల కేసులు నిరుడితో పోలిస్తే 29 శాతం తగ్గాయని, ఈవ్టీజింగ్కు సంబంధించి 324 ఫిర్యాదులు వస్తే 177 పెట్టి కేసులు నమోదు చేశామన్నారు. 101 మందికి కౌన్సిలింగ్ఇచ్చారు. షీ టీమ్స్641 అవేర్నెస్ప్రోగ్రామ్స్ నిర్వహించిట్లు చెప్పారు. గతేడాది 516 రోడ్ యాక్సిడెంట్లు జరగగా, ఈ ఏడాది 496 జరిగాయని ఎస్పీ వెల్లడించారు.
240 సైబర్ నేరాలు నమోదయ్యాయన్నారు. సీఎస్ఐఆర్ పోర్టల్ ద్వారా 755 సెల్ఫోన్లు రికవరీ చేశామని, రికవరీలో స్టేట్లో కామారెడ్డి ఫస్ట్ ప్లేస్లో ఉన్నట్లు ఎస్పీ తెలిపారు. సదాశివ్నగర్ మండలం భూంపల్లిలో దొరికిన యువతి డెడ్బాడీ కేసు ఎంక్వైరీ చేయగా ఆరుగురి మర్డర్ కేసులు బయట పడినట్లు ఎస్పీ సింధూశర్మ చెప్పారు. నిందితులను అరెస్ట్ చేశామన్నారు. ఎలాంటి ఘటనలు జరగకుండా అసెంబ్లీ ఎన్నికలు సక్సెస్ చేశామన్నారు.
72 ట్రాన్స్ఫార్మర్ దొంగతనాల కేసులను ఛేదించారు. దొంగిలించిన 51 బైక్లను ఒకే సారి స్వాధీనం చేసుకొని బాధితులకు అప్పగించినట్లు పేర్కొన్నారు. రానున్న ఏడాదిలో నేరాలను మరింతగా తగ్గించేందుకు కృషి చేస్తున్నట్లు ఎస్పీ తెలిపారు. మరిన్ని సీసీ కెమెరాలు ఏర్పాటు చేసి నిఘా పెంచుతామన్నానరు. అడిషనల్ ఎస్పీ నర్సింహారెడ్డి, ఎస్బీ సీఐ చంద్రశేఖర్రెడ్డి పాల్గొన్నారు.
