మెదక్టౌన్, వెలుగు: పోక్సో బాధితులు కోర్టుకు రాకుండా పట్టణంలోని భరోసా సెంటర్ నుంచి వాంగ్మూలం ఇచ్చేలా ఏర్పాట్లు చేశామని ఎస్పీ ఉదయ్కుమార్రెడ్డి తెలిపారు. మంగళవారం మెదక్ భరోసా కేంద్రంలో వీడియో కాన్ఫరెన్స్హాల్ను ప్రారంభించారు. అనంతరం ఆయన మాట్లాడుతూ.. ఈ కాన్ఫరెన్స్ హాల్ ద్వారా బాధితులు కోర్టుకు రాకుండా తమ వాంగ్మూలాన్ని కోర్టుకి నివేదించవచ్చన్నారు. భరోసా సెంటర్లోని సిబ్బంది పనితీరును పరిశీలించి వారికి అవసరమైన సూచనలు చేశారు.
అనంతరం పట్టణంలోని సఖి కేంద్రాన్ని సందర్శించారు. ఈ సందర్భంగా కో-ఆర్డినేటర్ రేణుక సఖి కేంద్రంలో అందిస్తున్న సేవల గురించి వివరించారు. ఎస్పీ వెంట ఏఎస్పీ మహేందర్, ఇన్స్పెక్టర్లు, మధుసూదన్, సందీప్రెడ్డి, భరోసా సెంటర్ కో- ఆర్డినేటర్ సౌమ్య, లీగల్ అడ్వయిజర్ శ్వేత, సఖి సెంటర్ లీగల్ అడ్వయిజర్ నిర్మల ఉన్నారు. అనంతరం పట్టణంలోని పోలీస్ పెరేడ్ గ్రౌండ్లో నిర్మిస్తున్న సెల్యూట్ బేస్, స్లాబ్ పనులను ప్రారంభించారు.
