- ఎస్పీ ఉదయ్కుమార్రెడ్డి
మెదక్ టౌన్, వెలుగు: అమరుల త్యాగాలు మరువలేనివని ఎస్పీ ఉదయ్కుమార్రెడ్డి అన్నారు. గురువారం అమరవీరుల దినోత్సవం సందర్భంగా మెదక్ జిల్లా పోలీస్ఆఫీసులో గాంధీ ఫొటోకు పూలమాల వేసి నివాళులర్పించారు. అనంతరం ఎస్పీ మాట్లాడుతూ.. స్వాతంత్ర్య ఉద్యమంలో ఆయుధం లేకుండా పోరాటం చేసిన సమరయోధుడు గాంధీ అని కొనియాడారు.
అనంతరం షీ టీమ్ సిబ్బందితో సమావేశాన్ని నిర్వహించారు. ఈ సందర్భంగా ఆయన మాట్లాడుతూ.. మహిళలు, బాలికలు ఎలాంటి ఇబ్బందులు ఎదురైనా వెంటనే 8712657963, 6303923823 నంబరుకు ఫోన్ చేసి ఫిర్యాదు చేయవచ్చన్నారు. వెంటనే షీ టీమ్ పోలీసులు బాధితుల వద్దకు వచ్చి అండగా ఉంటారని తెలిపారు. షీ టీమ్స్ ఇచ్చే ఫిర్యాదు వివరాలు గోప్యంగా ఉంటాయని వెల్లడించారు. కార్యక్రమంలో ఏఎస్పీ మహేందర్, డీఎస్పీ రంగా నాయక్, సీఐలు సందీప్ రెడ్డి, మధుసూదన్ గౌడ్, ఆర్ఐ శైలేందర్ పాల్గొన్నారు.
