- కేసీఆర్ కృషితోనే ఉచిత కరెంట్, సాగునీరు అందుతున్నాయ్
- స్పీకర్ పోచారం శ్రీనివాస్రెడ్డి
కోటగిరి,వెలుగు : తెలంగాణ రాష్ట్రానికి బీజేపీ, కాంగ్రెస్ పార్టీలు చేసిందేమీ లేదని స్పీకర్ పోచారం శ్రీనివాస్రెడ్డి విమర్శించారు. ప్రత్యేక తెలంగాణా రాష్ట్రం ఏర్పడ్డాక సీఎం కేసీఆర్ కృషి, ముందుచూపుతోనే పదేండ్లలో రాష్ట్రం ఎంతో ప్రగతి సాధించిందన్నారు. మంగళవారం ఎన్నికల ప్రచారంలో భాగంగా స్పీకర్ పోచారం మండలంలోని గన్నారం, లింగాపూర్, బస్వాపూర్, అడ్కాస్ పల్లి తదితర గ్రామాల్లో పర్యటించారు.
ఈ సందర్భంగా ఆయన మాట్లాడుతూ.. రైతు బంధు, దళిత బంధు, బీసీ బంధు, రైతు భీమా లాంటి అనేక సంక్షేమ పథకాలను అమలు చేస్తున్నామన్నారు. కాంగ్రెస్, బీజేపీ పార్టీలు చెప్పే మాయమాటలు విని ప్రజలు మోసపోవద్దన్నారు. బీఆర్ఎస్కు ఓటేసి, బాన్సువాడ ఎమ్మెల్యేగా తనను మరోసారి గెలిపించాలని కోరారు. స్పీకర్ ఎన్నికల ఖర్చుల కోసం లింగాపూర్ గ్రామానికి చెందిన ఓ మహిళ రూ.10 వేలు అందించారు.
