కామారెడ్డి, వెలుగు: కామారెడ్డి నియోజక వర్గానికి రూ. 18.40 కోట్ల ఫండ్స్శాంక్షన్ అయినట్లు ప్రభుత్వ విప్, ఎమ్మెల్యే గంప గోవర్ధన్ చెప్పారు. శుక్రవారం ఆయన జిల్లా కేంద్రంలో మీడియాతో మాట్లాడుతూ ఎస్డీఎఫ్ కింద రూ. 10 కోట్లు వచ్చాయన్నారు. ఇందులో రూ.3 కోట్లను టౌన్లోని ఆయా ఏరియాల్లో సీసీ రోడ్లు, డ్రైనేజీలకు కేటాయించామని చెప్పారు. రూ.7 కోట్ల ఫండ్స్ నియోజక వర్గంలోని ఆయా గ్రామాల్లో కమ్యూనిటీ హాల్స్, ప్రార్థన మందిరాలకు శాంక్షన్ అయ్యాయన్నారు.
కామారెడ్డి మండలంలోని నర్సన్నపల్లి శివారులో పీహెచ్సీ బిల్డింగ్ నిర్మాణంకు రూ. 2.20 కోట్లు మంజూరైనట్లు తెలిపారు. ఎన్ఆర్ఈజీఎస్ కింద గ్రామాల్లో సీసీ రోడ్ల నిర్మాణానికి రూ. 6.20 కోట్ల ఫండ్స్ వచ్చాయన్నారు. భిక్కనూరు మండలంకు రూ.2 కోట్ల 5 లక్షలు, కామారెడ్డి మండలానికి రూ. 40 లక్షలు, దోమకొండకు రూ.1.35కోట్లు, బీబీపేటకు రూ.95 లక్షలు, రామారెడ్డికి రూ.25 లక్షలు, రాజంపేటకు రూ.10 లక్షల ఫండ్స్ కేటాయించినట్లు చెప్పారు. ఎంపీపీ పిప్పిరి ఆంజనేయులు, మార్కెట్ కమిటీ చైర్మన్ వెంకటి, వైస్ చైర్మన్ రవి, టౌన్ ప్రెసిడెంట్ జూకంటి ప్రభాకర్రెడ్డి, గోపిగౌడ్ఉన్నారు.
పూర్ణ ఇల్లు ప్రారంభం
పిన్న వయస్పులో ఎవరెస్టు శిఖరాన్ని అధిరోహించిన పూర్ణకు ప్రభుత్వం కామారెడ్డి జిల్లా కేంద్రంలో ఇల్లు కట్టించింది. ఆ ఇల్లును శుక్రవారం విప్ గంప గోవర్ధన్ ప్రారంభించారు.
