ఎంత స్పీడ్గా వెళ్తున్నామో తెలుసుకునేందుకు బైక్, కార్లలో స్పీడో మీటర్ ఉంటుంది. కానీ.. సైకిల్ తొక్కుతున్నప్పుడు స్పీడ్ని ఎలా తెలుసుకోవాలి? ఈ గాడ్జెట్ని సైకిల్కి బిగించుకుంటే సరిపోతుంది. దీన్ని శివెగ్జిమ్ అనే కంపెనీ తీసుకొచ్చింది. ఇది స్పీడో మీటర్ మాత్రమే కాదు.. హార్న్, ఫ్రంట్ లైట్గా కూడా పనిచేస్తుంది. దీని డిస్ప్లేలో స్పీడ్తోపాటు రైడింగ్ టైం, దూరాన్ని కూడా రికార్డ్ చేసి చూపిస్తుంది. దీనికి ఉండే ఎల్ఈడీ లైట్ చీకట్లో రైడింగ్ చేసేటప్పుడు సైకిల్ ఫ్రంట్ లైట్లా ఉపయోగపడుతుంది. 350 ల్యూమన్స్ బ్రైట్నెస్తో వెలుగుతుంది.
165 అడుగుల వరకు వెలుతురునిస్తుంది. ఇందులో లైటింగ్ అడ్జస్ట్మెంట్ చేసుకోవడానికి ప్రత్యేకంగా 4 లైటింగ్ మోడ్స్ ఉంటాయి. దీనికి ఉండే హార్న్ కూడా చాలా పవర్ఫుల్.120 డెసిబుల్స్ సౌండ్ని రిలీజ్ చేయగలదు. అంతేకాదు.. 6 సౌండ్ మోడ్స్ ఉంటాయి. వాటిలో నచ్చిన ట్యూన్లో హార్న్ని సెట్ చేసుకోవచ్చు. హార్న్ కోసం ప్రత్యేకంగా కంట్రోలర్ వస్తుంది. దీన్ని హై క్వాలిటీ ఏబీఎస్ మెటీరియల్‌‌తో తయారు చేశారు. వర్షంలో తడిసినా పాడవ్వకుండా ఉండేందుకు IPX65 రేటింగ్తో తీసుకొచ్చారు. ఇందులో1500mAh బ్యాటరీ ఉంటుంది. మైక్రో యూఎస్బీతో ఛార్జ్ చేసుకోవచ్చు. 2–3 గంటల్లో ఫుల్ ఛార్జ్ అవుతుంది. ఒకసారి ఫుల్ ఛార్జ్ చేస్తే 5–8 గంటలు వాడుకోవచ్చు. దీన్ని ఇన్స్టాల్ చేయడం కూడా చాలా ఈజీ.
ధర : 1,020 రూపాయలు
