ఇండియాలో ట్రయల్స్ కోసం రష్యా నుంచి వచ్చిన కరోనా వ్యాక్సిన్
రెడ్డీస్ ల్యాబ్స్కు చేరుకున్న టీకా డోసులు
వాలంటీర్ల ఎంపిక మొదలు.. 15వ తేదీ తర్వాత టెస్టింగ్
వ్యాక్సిన్ 92 శాతం ఎఫెక్టివ్గా ఉందన్న సైంటిస్టులు
హైదరాబాద్, వెలుగు: ప్రపంచంలోనే ఫస్ట్ రిజిస్టరైన రష్యా కరోనా వ్యాక్సిన్‘స్పుత్నిక్V’ మూడో దశ ట్రయల్స్ కోసం హైదరాబాద్కు చేరుకున్నట్టు సమాచారం. ఇండియాలో ట్రయల్స్ కోసం ఈ వ్యాక్సిన్ డోసులు రష్యా నుంచి హైదరాబాద్లోని రెడ్డీస్ ల్యాబ్స్కు చేరుకున్నట్టు తెలిసింది. ఈ ట్రయల్స్కు సంబంధించి ఇప్పటికే వలంటీర్ల ఎంపిక మొదలైందని.. ఈ నెల 15వ తేదీ తర్వాత ట్రయల్స్మొదలుపెట్టే అవకాశం ఉందని సమాచారం. ‘స్పుత్నిక్V’ వ్యాక్సిన్ మూడో దశ క్లినికల్ ట్రయల్స్, తయారీ, పంపిణీకి సంబంధించి డాక్టర్ రెడ్డీస్ ల్యాబ్స్ కంపెనీతో.. రష్యా డైరెక్ట్ ఇన్వెస్ట్మెంట్ ఫండ్ (ఆర్డీఐఎఫ్) ఇప్పటికే ఒప్పందం చేసుకుంది. అందులో భాగంగా దాదాపు 10 కోట్ల డోసులను డాక్టర్ రెడ్డీస్ తయారు చేయనుంది. ప్రస్తుతం మూడో దశ ట్రయల్స్ కోసం వ్యాక్సిన్ వచ్చినట్టు ఫార్మా వర్గాలు వెల్లడించాయి.
కరోనా పనిపడుతోంది
‘స్పుత్నిక్V’ మంచి ఫలితాలనిస్తోందని సైంటిస్టులు చెప్తున్నారు. ప్రస్తుతం మూడో దశ ట్రయల్స్ జరుగుతున్న ఈ వ్యాక్సిన్కు సంబంధించి ఇంటరిమ్ అనాలిసిస్ డేటాను.. ఆ టీకా తయారు చేసిన గమాలీయా నేషనల్ రీసెర్చ్ ఇనిస్టిట్యూట్ ఆఫ్ ఎపిడెమియాలజీ అండ్ మైక్రోబయాలజీ విడుదల చేసింది. రెండు డోసులు తీసుకున్న 16 వేల మందిపై టీకా ప్రభావం 92 శాతం వరకు ఉందని వెల్లడించింది. క్లినికల్ ట్రయల్స్ కాకుండా.. ఎమర్జెన్సీ యూజ్లో భాగంగా వ్యాక్సిన్ వేసిన 10 వేల మంది డాక్టర్లు, ముప్పు ఎక్కువున్న ప్రజల్లోనూ టీకా 90 శాతం పని చేసిందని ప్రకటించింది. ప్రస్తుతం ఒక్క రష్యాలోనే 40 వేల మందిపై థర్డ్ ఫేజ్ ట్రయల్స్ చేస్తున్నట్టు చెప్పింది. ఇందులో 20 వేల మందికిపైగా ఫస్ట్ డోస్, 16 వేల మందికిపైగా ఫస్ట్, సెకండ్ డోస్ వ్యాక్సిన్లను వేసినట్టు వివరించింది. ఇప్పటిదాకా ఎవరికీ ఎలాంటి సైడ్ఎఫెక్ట్స్ రాలేదని తెలిపింది.
For More News..
నెల అయినా బురదల్నే
