పంజాగుట్ట, వెలుగు: గంజాయి అమ్ముతున్న ఇద్దరు వ్యక్తులతోపాటు ఆరుగురు కస్టమర్లను వెస్ట్ జోన్ టాస్క్ఫోర్స్, ఎస్ఆర్ నగర్ పోలీసులు కలిసి అరెస్ట్ చేశారు. నిందితుల నుంచి 3 కేజీల సరుకు స్వాధీనం చేసుకున్నారు. ప్రకాశం జిల్లాకు చెందిన ఆరపాటి హరికృష్ణ (24) ఎగ్ కుల్ఫీ వెండర్గా పని చేస్తూ బల్కంపేట ఎల్లమ్మ ఆలయం సమీపంలో ఉంటున్నాడు. ఇదే ప్రాంతానికి చెందిన జాబ నవీన్ (26) ఎలక్ట్రిషియన్గా పనిచేస్తున్నాడు.
ఈజీమనీ కోసం వీరిద్దరూ వివిధ ప్రాంతాల నుంచి సిటీకి గంజాయి తీసుకొచ్చి, ప్యాకెట్లుగా చేసి అమ్ముతున్నారు. పక్కా సమాచారంతో బల్కంపేటలో వీరిని పోలీసులు అరెస్ట్ చేశారు. ఆరుగురు కస్టమర్ల నుంచి ఏడు సెల్ఫోన్లు, రెండు వేయింగ్ మెషీన్లు స్వాధీనం చేసుకున్నట్లు ఏసీపీ వెంకట రమణ తెలిపారు.
