- సెల్లార్లోకి వరద నీరు రావడంతో ఆఫీసర్ల చర్యలు
- ఎఫ్టీఎల్లో నిర్మించిన బిల్డింగ్లో కొనసాగుతున్న కాలేజీ
జీడిమెట్ల, వెలుగు:నిజాంపేట్ మున్సిపల్ కార్పొరేషన్పరిధిలోని ఎస్ఆర్రెసిడెన్షియల్జూనియర్ కాలేజీని అధికారులు సోమవారం రాత్రి సీజ్ చేశారు. శానిటేషన్ఆఫీసర్ సృకృతా రెడ్డి ఆధ్వర్యంలో నిజాంపేట్లోని సెల్లార్లను తనిఖీ చేయగా ఎస్ఆర్ రెసిడెన్షియల్కాలేజీ సెల్లార్లోకి నీళ్లు రావడాన్ని గమనించారు. అందులోనే కాలేజీ యాజమాన్యం క్యాంటిన్నిర్వహిస్తూ విద్యార్థులకు భోజనాలు పెడుతుండడాన్ని గుర్తించారు.
పూర్తిస్థాయిలో పరిశీలించగా కాలేజీలోకి పత్తికుంట చెరువులోని వరద రావడాన్ని గమనించారు. దీంతో ప్రమాదం జరిగే అవకాశం ఉండడంతో సుమారు 500 మంది విద్యార్థులను ఆ బిల్డింగ్ నుంచి ఖాళీ చేయించి పక్కనే ఉన్న ఫంక్షన్ హాల్లోకి తరలించారు. తర్వాత కాలేజీని సీజ్ చేశారు. దీంతో మంగళవారం ఉదయం కాలేజీ యాజమాన్యం విద్యార్థులకు సెలవులు ప్రకటించి ఇండ్లకు పంపించింది.
2001లోనే ఈ బిల్డింగ్ ఎఫ్టీఎల్పరిధిలో ఉందని అప్పట్లో రెవెన్యూ అధికారులు సీజ్ చేశారు. అయినప్పటికీ కొందరు ప్రజాప్రతినిధుల సహకారంతో సీల్ తొలగించారు.
విద్యార్థుల తల్లిదండ్రుల ఆగ్రహం
సెల్లార్లోకి నీళ్లు వస్తున్నా క్యాంటిన్ఎలా ఏర్పాటు చేస్తారని, అక్కడ భోజనాలు ఎలా పెడతారని పిల్లల తల్లిదండ్రులు ఆగ్రహం వ్యక్తం చేశారు. విద్యార్థులకు ఏదైనా జరిగితే ఎవరు బాధ్యత వహిస్తారని మండిపడుతున్నారు. వర్షం కురిసి సెల్లార్లోకి వరద వస్తున్నా అధికారులు వచ్చేవరకూ ఎందుకు స్పందించలేదన్నారు.
తమ పిల్లల చదువులు ఏమవుతాయోనని, తరగతులు తిరిగి ఎప్పుడు ప్రారంభమవుతాయో తెలియక అయోమయంలో పడ్డారు. దీనిపై కాలేజీ యాజమాన్యం స్పష్టమైన ప్రకటన చేయాలని డిమాండ్ చేశారు.
