ఐపీఎల్‌లో మరో ఆసక్తికర పోరుకు రంగం సిద్ధమైంది. శుక్రవారం(మే 24) చెన్నైలోని చిదంబరం స్టేడియం వేదికగా సన్రైజర్స్ హైదరాబాద్, రాజస్థాన్ రాయల్స్ జట్లు తలపడుతున్నాయి. ఈ మ్యాచ్‌లో టాస్ గెలిచిన రాయల్స్ సారథి సంజూ శాంసన్ బౌలింగ్ ఎంచుకున్నాడు. దీంతో మొదట కమిన్స్ సేన బ్యాటింగ్ చేయనుంది.
హైదరాబాద్ బ్యాటింగ్‌పై ఆధారపడితే.. రాజస్థాన్ బౌలర్లపై ఆశలు పెట్టుకొని ఉంది. స్పిన్‌కు అనుకూలించే చెపాక్‌ పిచ్‌పై అత్యుత్తమ స్పిన్నర్లు కలిగిన రాయల్స్‌ను ఎదుర్కోవడం ఆరంజ్ ఆర్మీ బ్యాటర్లకు సవాలుతో కూడుకున్నదే. ఈ మ్యాచ్‌లో ఓడిన జట్టు ఇంటి దారి పట్టనుండగా, గెలిచిన టీమ్‌ ఫైనల్‌లో కోల్‌కతా నైట్‌ రైడర్స్‌ (కేకేఆర్‌)తో తలపడనుంది.
తుది జట్లు
సన్రైజర్స్: ట్రావిస్ హెడ్, అభిషేక్ శర్మ, రాహుల్ త్రిపాఠి, నితీష్ రెడ్డి, ఐడెన్ మార్క్‌రమ్, హెన్రిచ్ క్లాసెన్(వికెట్ కీపర్), అబ్దుల్ సమద్, పాట్ కమిన్స్(కెప్టెన్), భువనేశ్వర్ కుమార్, జయదేవ్ ఉనద్కత్, నటరాజన్.
రాయల్స్: య‌శ‌స్వి జైస్వాల్‌, టామ్ కాడ్‌మోర్‌, సంజూ శాంసన్(కెప్టెన్), రియాన్ ప‌రాగ్‌, ధ్రువ్ జురెల్, రోవ్‌మన్ పావెల్, రవిచంద్రన్ అశ్విన్‌, ట్రెంట్ బౌల్ట్, అవేష్ ఖాన్, సందీప్ శర్మ, యుజ్వేంద్ర చాహల్.
