హైదరాబాద్: ఇంటర్ ఫలితాల్లో శ్రీచైతన్య జయభేరి మోగిం చింది. జూనియర్ ఇంటర్లో ఎంపీసీలో 470 మార్కులకు 103 మందికి 468 మార్కులు వచ్చాయని, 462 మంది స్టూడెంట్లు 467 మార్కులు పొందారని శ్రీచైతన్య విద్యా సంస్థల అకాడమిక్ డైరెక్టర్ సుష్మశ్రీ మంగళవారం ఓ ప్రకటనలో తెలిపారు.
జూనియర్ ఇంటర్ బైపీసీలో 440 మార్కులకు 26 మందికి 438 మార్కులు వచ్చాయని, 136 మంది 437 మార్కులు సాధించారని ఆమె వివరించారు. సీనియర్ ఇంటర్లో వెయ్యి మార్కులకు 996 మార్కులు సాధించారని, ఏడుగురికి 995 మార్కులు వచ్చాయని చెప్పారు. 46 మంది విద్యార్థులు 994 మార్కులు పొందారని, 610 మంది 990 మార్కులు సాధించారని పేర్కొన్నారు. ఈ సందర్భంగా స్టూడెంట్లు, లెక్చరర్లు, తల్లిదండ్రులను ఆమె అభినందించారు.
