అలంపూర్, వెలుగు: శ్రీ జోగులాంబ బాల బ్రహ్మేశ్వరస్వామి ఆలయాలు సోమవారం కార్తీక శోభను సంతరించున్నాయి. కార్తీక సోమవారం కావడంతో భక్తులు ఉదయం నుంచే ఆలయానికి క్యూ కట్టారు. గణపతి పూజ, బాల బ్రహ్మేశ్వరస్వామి ఆలయంలో అభిషేకం, జోగులాంబ అమ్మవారి ఆలయంలో కుంకుమార్చన నిర్వహించి మొక్కులు చెల్లించుకున్నారు.
సాయంత్రం ఆలయ ప్రాంగణంలో మహిళలు కార్తీక దీపాలు వెలిగించారు. ఆలయాన్ని ఎమ్మెల్సీ చల్లా వెంకట్రామిరెడ్డి, ఎమ్మెల్యే విజయుడు దర్శించుకున్నారు. వారికి అర్చకులు సాదర స్వాగతం పలికారు. ఆలయ కమిటీ చైర్మన్ చిన్న కృష్ణయ్య, రఘు రెడ్డి పాల్గొన్నారు.
