గుజరాత్ టైటాన్స్ స్టార్ ఆల్ రౌండర్ గ్లెన్ ఫిలిప్స్ ఐపీఎల్ టోర్నీకి దూరమైన విషయం తెలిసిందే. గాయం కారణంగా ఫిలిప్స్ టోర్నీ నుంచి పూర్తిగా వైదొలిగాడు. ఈ నేపథ్యంలో గ్లెన్ ఫిలిప్స్ స్థానాన్ని మరో స్టార్ ఆల్ రౌండర్తో భర్తీ చేసింది గుజరాత్. శ్రీలంక డైనమిక్ ఆల్ రౌండర్ దసున శనకను గ్లెన్ ఫిలిప్స్ ప్లేస్లో జట్టులోకి తీసుకుంది. ఈ విషయాన్ని గురువారం (ఏప్రిల్ 17) అఫిషియల్గా ప్రకటించింది జీటీ. మిగిలిన సీజన్ మొత్తం ఫిలిప్స్ స్థానంలో శనక ఆడతాడని వెల్లడించింది. దీంతో ఫిలిప్స్ స్థానంలో ఎవరిని తీసుకుంటారనే ఉత్కంఠకు తెరపడింది.
కాగా, ఐపీఎల్ 18లో భాగంగా ఏప్రిల్ 6న సన్‌రైజర్స్ హైదరాబాద్‌, గుజరాత్ తలపడ్డాయి. ఈ మ్యాచులో గుజరాత్ ఆల్ రౌండర్ ఫిలిప్స్ గాయపడ్డాడు. ఫీల్డింగ్ సమయంలో బంతిని ఆపబోగా గజ్జల్లో గాయమైంది. దీంతో అతడు మైదానం వదిలి వెళ్ళిపోయాడు. గాయం తీవ్రత ఎక్కువగా ఉండటంతో ఫిలిప్స్ మొత్తం టోర్నీ నుంచే వైదొలిగాడు. అనంతరం స్వదేశం న్యూజిలాండ్కు వెళ్లిపోయాడు. ఈ నేపథ్యంలోనే ఫిలిప్స్ స్థానాన్ని శ్రీలంక ఆల్ రౌండర్ శనకతో భర్తీ చేసింది జీటీ.
ప్రస్తుతం గుజరాత్ టైటాన్స్ జట్టులో ఐదుగురు విదేశీ ఆటగాళ్లు మాత్రమే ఉన్నారు. జోస్ బట్లర్, షెర్ఫేన్ రూథర్‌ఫోర్డ్, రషీద్ ఖాన్, జెరాల్డ్ కోట్జీ, కరీం జనత్. ఐపీఎల్ నిర్వాహకులు.. ప్రతి జట్టుకు ఎనిమిది మంది విదేశీ ఆటగాళ్లను కలిగి ఉండటానికి అనుమతి ఇచ్చారు. దీంతో టైటాన్స్ తమ జట్టులో మరో ముగ్గురు ఫారెన్ ప్లేయర్స్ను ఎంపిక చేసే అవకాశం ఉంది.
ఈ రూల్ ప్రకారం తాజాగా జట్టులోకి శ్రీలంక ప్లేయర్ శనకను తీసుకుంది. ఇప్పటికే వ్యక్తిగత కారణాల వలన సౌతాఫ్రికా ఫాస్ట్ బౌలర్ రబడా స్వదేశానికి వెళ్లిన సంగతి తెలిసిందే. ఇదిలా ఉంటే.. ఈ సీజన్లో గుజరాత్ టైటాన్స్ అంచనాల మేర రాణిస్తోంది. ఆడిన 6 మ్యాచ్ల్లో నాలుగు విజయాలతో పాయింట్ల పట్టికలో రెండో స్థానంలో కొనసాగుతుంది.
గుజరాత్ టైటాన్స్ ఐపీఎల్ 2025 జట్టు:
శుభ్‌మన్ గిల్ (కెప్టెన్), రషీద్ ఖాన్, సాయి సుదర్శన్, రాహుల్ తెవాటియా, షారుక్ ఖాన్, జోస్ బట్లర్, కగిసో రబడ, మహ్మద్ సిరాజ్, వాషింగ్టన్ సుందర్, రవిశ్రీనివాసన్ సాయి కిషోర్, ప్రసిధ్ కృష్ణ, ఇషాంత్ లో అర్వా ఖాన్, జయపాల్ శర్మ, అనుజ్ పాల్ శర్మ, అనూజ్ యాదవ్
