- ఏర్పాట్లు పూర్తి చేసిన హిందూవాహిని
భైంసా, వెలుగు : భైంసాలో శ్రీరాముని శోభాయాత్ర గురువారం జరుగనుంది. దీని కోసం హిందూవాహిని పట్టణ శాఖ నాయకులు అన్ని ఏర్పాట్లూ పూర్తి చేశారు. శ్రీరాముని భారీ విగ్రహాన్ని రెడీ చేశారు. ఉదయం 9గంటలకు పురాణ బజార్లోని గోశాల నుంచి రాముని శోభాయాత్ర ప్రారంభం అవుతుంది. అక్కడ నుంచి రాంలీలా గ్రౌండ్ వరకు కొనసాగనుంది. పురాణ బజార్, దాస్ హనుమాన్ టెంపుల్, గణేశ్ నగర్, గోల్డ్ మార్కెట్, గాంధీ గంజ్, బస్టాండ్ మీదుగా పిప్రి కాలనీల నుంచి శోభాయాత్ర వెళ్తుంది.
బందోబస్తు...
శ్రీరాముని శోభాయాత్ర సందర్భంగా పోలీసు శాఖ అలర్ట్ అయ్యింది. జిల్లా ఎస్పీ ప్రవీణ్ కుమార్, ఏఎస్పీ కాంతిలాల్ పాటిల్ నేతృత్వంలో భారీ పోలీసు బందోబస్తు ఏర్పాటు చేశారు.
ఇప్పటికే అతి సమస్యాత్మక, సమస్యాత్మక ప్రాంతాల్లో పికెటింగ్లు పెట్టారు. సుమారు 400 మంది పోలీసులు ఈ బందోబస్తులో ఉండనున్నారు. అవాంఛనీయ ఘటనలు జరుగకుండా, తగు జాగ్రత్త చర్యలు తీసుకున్నారు. కంట్రోల్ రూం నుంచి ఎప్పటికప్పుడు యాత్రను పర్యవేక్షించేందుకు సీసీ కెమెరాలు ఏర్పాటు చేశారు.
