కీర‌వాణి త‌న‌యుడు శ్రీసింహా కోడూరి (Sri Simha) కమెడియన్ సత్య, ఫరియా అబ్దుల్లా ప్ర‌ధాన పాత్ర‌ల్లో న‌టించిన మూవీ మ‌త్తు వ‌ద‌ల‌రా 2(Mathu Vadalara 2). ఈ మూవీ సెప్టెంబర్ 13న థియేట‌ర్ల‌లో రిలీజై మంచి విజయం సాధించింది.
రితేష్ రానా ద‌ర్శ‌క‌త్వం వ‌హించిన ఈ సీక్వెల్ కు ఆడియన్స్ నుంచి పాజిటివ్ టాక్ రావడంతో పాటు బాక్సాఫీస్ వద్ద భారీ కలెక్షన్స్ రాబట్టింది. చ‌క్క‌టి ఫ‌న్ థ్రిల్ల‌ర్‌గా తెరకెక్కిన ఈ క్రేజీ ఎంటర్ టైనర్ నెల రోజుల్లోపే డిజిటల్ ప్రీమియర్ కు సిద్ధమైంది.
ఈ సెటైరిక‌ల్ క్రైమ్ థ్రిల్లర్ శుక్రవారం అక్టోబర్ 11 నుంచి నెట్‌ఫ్లిక్స్ లో స్ట్రీమింగ్ కి రానున్నట్లు సమాచారం. దీంతో ఈ దసరా పండుగకు ఇంట్లో ఇద్దరు అండర్ కవర్ ఏజెంట్లు నవ్వులు పూయించనున్నారని మేకర్స్ వెల్లడించే అవకాశం ఉంది. ఈ మూవీ మేకర్స్ అంచనాలను క్రాస్ చేసి వరల్డ్ వైడ్‌‌గా ముప్ఫై కోట్లకు పైగా కలెక్ట్ చేసింది.
కథేంటంటే::
మ‌త్తు వ‌ద‌ల‌రా 2 సినిమా కథ..మొదటి భాగానికి కొనసాగింపుగా ఉంటుంది.డెలివరీ ఏజెంట్లు బాబు (శ్రీ సింహ), ఏసు (సత్య) ఉద్యోగాల వేటలో ఉంటారు. ఇక దొంగ దారిలో హీ టీమ్ (కిడ్నాప్ కేసులను డీల్ చేసే హైలీ ఎమర్జెన్సీ టీమ్)లో ఉద్యోగాలు సంపాదిస్తారు. అనుకోకుండా హాయ్ ఎమర్జెన్సీ టీమ్స్ రిక్రూట్మెంట్ జరుగుతున్న సమయంలో లంచం ఇచ్చి ఉద్యోగం కొనుక్కుంటారు.
అయితే వీరికి వచ్చే జీతం ఏ మాత్రం సరిపోకపోవడంతో ఒక కన్నింగ్ ప్లాన్ వేస్తారు. ఈ క్రమంలో కిడ్నాపర్లకు ఇచ్చే డబ్బుల్లో కొంత మొత్తాన్ని తస్కరించడం మొదలు పెడతారు. ఇలా సాగిపోతున్న సమయంలో వీరి దగ్గరకు ఓ పెద్ద కేసు వస్తుంది. తన కుమార్తె కనిపించడం లేదని, కిడ్నాపర్లు రెండు కోట్లు డిమాండ్ చేస్తున్నారని బాబు, ఏసుకు చెబుతుంది దామిని (ఝాన్సీ). అయితే అదే అదనుగా ఆఫీసులో కంప్లైంట్ ఇవ్వొద్దని, ఈ కేసును తాము పర్సనల్ గా డీల్ చేస్తామని చెబుతారు. ఆ క్రమంలో వాళ్లిద్దరూ ఓ మర్డర్ కేసులో ఇరుక్కుంటారు.
ALSO READ | WAR 2: వార్ 2 నుండి క్రేజీ న్యూస్.. హృతిక్తో తారక్ దండయాత్ర మొదలు!
బాబు, ఏసును కావాలనే మర్డర్ కేసులో ఇరికించినది ఎవరు? తేజస్వి తోట తన పేరును ప్రకాష్ (అజయ్)గా ఎందుకు మార్చుకోవాల్సి వచ్చింది? ముందుగా ఒక కిడ్నాప్ కేసు కారణంగా ఆకాష్ (అజయ్) మర్డర్ కేసులో ఎలా ఫ్రేమ్ అవుతారు. అయితే అసలు ఆకాష్ ను చంపింది ఎవరు? మర్డర్ కేసులో ఇరుకున్న వారికి నిధి(ఫరియా అబ్దుల్లా) ఎలా సాయం చేసింది. ఇందులో హీ.టీం హెడ్ దీప(రోహిణి) పాత్ర ఏమిటి? హీరో యువ ('వెన్నెల' కిశోర్) పాత్ర ఎలాంటిది ? అసలు దామిని ఎవరు? అనే తదితర వివరాలు తెలియాలంటే మ‌త్తు వ‌ద‌ల‌రా మూవీని చూడాల్సిందే.
