వెన్నెల కిషోర్, అనన్య నాగళ్ల, రవితేజ మహాదాస్యం, శియా గౌతమ్ లీడ్ రోల్స్‌‌‌‌లో నటించిన చిత్రం ‘శ్రీకాకుళం షెర్లాక్ హోమ్స్’. రైటర్ మోహన్ దర్శకత్వంలో వెన్నపూస రమణా రెడ్డి నిర్మిస్తున్నారు. క్రిస్మస్ సందర్భంగా డిసెంబర్ 25న సినిమా విడుదల కానుంది. వంశీ నందిపాటి ఈ చిత్రాన్ని రిలీజ్ చేస్తున్నారు. గురువారం టీజర్ లాంచ్ ఈవెంట్‌‌‌‌ను నిర్వహించారు. ఈ సందర్భంగా హీరోయిన్ అనన్య నాగళ్ల మాట్లాడుతూ ‘ఈ సినిమా ఒక ఫుల్ మీల్స్ లాంటిది.
అందర్నీ ఎంటర్‌‌‌‌‌‌‌‌టైన్ చేసేలా ఉంటుంది’ అని చెప్పింది. నిజాయితీగా చేసిన సినిమా ఇదని రవితేజ మహాదాస్యం అన్నాడు. డైరెక్టర్ మోహన్ మాట్లాడుతూ ‘వంశీ గారు ఈ సినిమా తీసుకోవడంతో మాకు చాలా ధైర్యం వచ్చింది. ఆయన కంటెంట్ ఉంటేనే తీసుకుంటారు. ఆయన మాకు ఇచ్చిన గైడెన్స్, ఫస్ట్ కాపీ చూసిన తర్వాత చెప్పిన మార్పులు మాకు చాలా కాన్ఫిడెన్స్ ఇచ్చాయి’ అని చెప్పాడు. వంశీ నందిపాటి మాట్లాడుతూ ‘రెండు నెలల క్రితం సినిమా చూసి మెస్మరైజ్ అయ్యా. ఇది ఎప్పుడు రిలీజ్ చేసినా దూసుకెళ్లిపోతుందని నిర్మాతకు కాన్ఫిడెంట్‌‌‌‌గా చెప్పా’ అని అన్నారు. టీమ్ అంతా పాల్గొన్నారు.
