బోధన్, వెలుగు: 80 రోజుల క్రితం మిస్సైన డిగ్రీ స్టూడెంట్చివరకు శవంగా కనిపించాడు. నిజామాబాద్ జిల్లా బోధన్ మండలం ఖండ్ గావ్ గ్రామానికి చెందిన అంజుగుడే శ్రీకాంత్పటేల్ బోధన్లోని ప్రైవేట్కాలేజీలో డిగ్రీ రెండో సంవత్సరం చదువుతున్నాడు. సెప్టెంబర్23న కాలేజీకని ఇంటినుంచి బయలుదేరాడు. తిరిగి రాకపోవడంతో మరుసటిరోజు తండ్రి లక్ష్మణ్పటేల్ బోధన్రూరల్ పోలీస్ స్టేషన్లో ఫిర్యాదు చేశాడు. మిస్సింగ్ కేసు నమోదు చేశారు. సోమవారం బోధన్ సమీపంలోని పసుపువాగులో డెడ్బాడీ కనిపించింది. పక్కనే కాలేజీ బ్యాగు, చెప్పులు ఉండడంతో శ్రీకాంత్గా గుర్తుపట్టారు. శవం కుళ్లిపోయి గుర్తుపట్టలేని స్థితిలో ఉంది. పోలీసులు కుటుంబసభ్యులకు సమాచారం ఇవ్వడంతో బంధువులు, గ్రామస్థులు ఘటనా స్థలానికి చేరుకున్నారు. శవం శ్రీకాంత్దేనంటూ బోరున విలపించారు. పోలీసులు కేసు విషయంలో నిర్లక్ష్యంగా వ్యవహరించారని ఆరోపిస్తూ బంధువులు, గ్రామస్థులు బోధన్– -రుద్రూర్మెయిన్రోడ్డుపై ఆందోళనకు దిగారు. రోడ్డుపైనే టెంట్వేసుకుని ఉదయం 9 నుంచి సాయంత్రం 6 గంటల వరకు బైఠాయించారు. దీంతో ఎక్కడి వెహికల్స్అక్కడే నిలిచిపోయాయి. శ్రీకాంత్ డిగ్రీ కాలేజీలో ఓ అమ్మాయితో ప్రేమలో పడ్డాడని తండ్రి లక్ష్మణ్పటేల్ చెప్పారు. తాము పోలీసులకు ఫిర్యాదు చేసిన రోజు అమ్మాయి బంధువులపై కేసు నమోదు చేయాలని చెబితే పట్టించుకోలేదన్నారు. బలవంతంగా మిస్సింగ్కేసు నమోదు చేశారని ఆరోపించారు. కొడుకు ఆచూకీ తెలపాలని బోధన్ఏసీపీ, రూరల్ పోలీస్ స్టేషన్ల చుట్టూ తిరిగినా పట్టించుకోలేదని వాపోయారు. అమ్మాయి తరపు బంధువులే హత్య చేశారని ఆరోపించారు. నిందితులను అరెస్టు చేయాలని, కేసు విషయంలో నిర్లక్ష్యంగా వ్యవహరించిన పోలీసులపై చర్యలు తీసుకోవాలని డిమాండ్ చేశారు. ఘటనా స్థలాన్ని నిజామాబాద్ డీసీపీ అర్వింద్బాబు, ఆర్డీవో రాజేశ్వర్ పరిశీలించారు.
రేపు విద్యాసంస్థల బంద్కు పిలుపు
శ్రీకాంత్హత్యను నిరసిస్తూ స్టూడెంట్యూనియన్లీడర్లు బోధన్ రైల్వే గేట్వద్ద రాస్తారోకో చేశారు. నిందితులను వెంటనే అరెస్టు చేయాలని డిమాండ్ చేశారు. మంగళవారం బోధన్లో స్కూళ్లు, కాలేజీల బంద్కు పిలుపునిస్తున్నట్లు ప్రకటించారు. గంటపాటు రాస్తారోకో నిర్వహించడంతో ప్రయాణికులు ఇబ్బంది పడ్డారు. పోలీసులు నచ్చజెప్పడంతో రాస్తారోకో విరమించారు.
డెత్ మిస్టరీ ఛేదిస్తాం
మిస్సింగ్ స్టూడెంట్ డెత్ కేసును మర్డర్, ఆత్మహత్య కోణాల్లో దర్యాప్తు చేస్తున్నాం. మిస్సింగ్ కేసులో అనుమానితులను ఇప్పటికే విచారించాం. లభ్యమైన డెడ్బాడీని శ్రీకాంత్ దిగా గుర్తించారు. పోస్ట్ మార్టం రిపోర్ట్తో వాస్తవాలు వెలుగులోకి వస్తాయి. ఈ కేసులో మాపై రాజకీయంగా ఎలాంటి ఒత్తిళ్లు లేవు. పోలీసుల నిర్లక్ష్యం ఉన్నట్లు తేలితే వారిపై చర్యలు ఉంటాయి. తొందరలో డెత్ మిస్టరీని ఛేదిస్తాం.
– అర్వింద్బాబు, డీసీపీ, నిజామాబాద్
