సూపర్ స్టార్ మహేష్ బాబు, రాజమౌళి కాంబినేషన్ లో వస్తోన్న (SSMB 29) సినిమాపై సర్వత్రా ఆసక్తి నెలకొంది. హైదరాబాద్ గచ్చిబౌలిలోని అల్యూ మినియం ఫ్యాక్టరీలో SSMB29కు సంబంధించిన షూటింగ్ జరుగుతున్నట్టు సమాచారం. మరో రెండు మూడు చోట్ల కూడా ప్రత్యేకంగా సెట్స్‌ను సిద్ధం చేస్తున్నారు.
లేటెస్ట్ అప్డేట్ ప్రకారం.. సినిమాకు సంబంధించిన విషయాలు ఎక్కడా లీకవ్వకుండా ఉండటానికి రాజమౌళి అండ్ టీమ్ ఎన్నో.. జాగ్రత్తలు తీసుకుంటున్నట్టు తెలుస్తోంది. ఈ సినిమాకు పని చేస్తున్న అందరితో రాజమౌళి నాన్‌-డిస్‌క్లోజ్‌ అగ్రిమెంట్‌ (NDA) చేసుకున్నట్లు తెలుస్తోంది. ఎవరైనా సినిమా నుంచి కంటెంట్ను లీక్ చేస్తే దానికి వారు భారీ మూల్యాన్ని చెల్లించుకోవాల్సి వస్తుందని చెప్పినట్టు సమాచారం.
ALSO READ | Legal Battle: నయనతార వర్సెస్ ధనుష్.. నెట్‌ఫ్లిక్స్‌ పిటిషన్‌ను కొట్టేసిన కోర్టు
అంతేకాకుండా తరుచూ ట్రిప్ కు వెళ్లే అలావాటున్న మహేశ్ బాబు విదేశాలకు వెళ్లకుండా ఆయన పాస్ట్ పోర్టును జక్కన్నే తీసుకున్నట్టు టాక్ వచ్చింది. ఎందుకంటే, మిగిలిన సినిమాలు వేరు. రాజమౌళితో మ్యాటర్ వేరు. ఆయన సినిమాలకు పని చేసేటప్పుడు లైఫ్ ఇంతకు ముందున్నట్టు ఉండదు.
బయటకు వెళ్లాలన్నా, ఫ్యామిలీ ఈవెంట్ కు వెళ్లాలన్నా పర్మిషన్ తీసుకోవాల్సిందే. మొన్న మహేశ్ నుంచి పాస్ పోర్టును తీసుకున్న రాజమౌళి, ఇప్పుడు ఫోన్ ను కూడా తీసేసుకున్నాడట. ఇన్ని జాగ్రత్తలు తీసుకుంటున్న రాజమౌళి SSMB29 సినిమాతో ఇంకెన్ని ఘనతలు సాధిస్తాడోనని అందరూ ఎదురుచూస్తున్నారు. కెఎల్ నారాయణ భారీ బడ్జెట్ తో నిర్మిస్తున్న ఈ సినిమాను ఫారెస్ట్ అడ్వెంచర్ గా రాజమౌళి తెరకె క్కిస్తున్నాడు. ప్రియాంక చోప్రా కీలక పాత్రలో నటిస్తున్నారు.
