స్టాఫ్ సెలెక్షన్ కమిషన్ సెంట్రల్ ఆర్మ్డ్ ఫోర్సెస్లో కానిస్టేబుళ్ల రిక్రూట్మెంట్కు కసరత్తు చేస్తోంది. ఎస్ఎస్సీ ఇయర్ క్యాలెండర్ ప్రకారం మరో ఐదు రోజుల్లో అఫీషియల్గా నోటిఫికేషన్ రిలీజ్ చేయనుంది. టెన్త్ క్వాలిఫికేషన్తో సెంట్రల్ కొలువుకు అవకాశం ఉన్న ఈ నియామక ప్రక్రియ వివరాలు ఈ వారం..
బీఎస్ఎఫ్, సీఐఎస్ఎఫ్, సీఆర్పీఎఫ్, ఐటీబీపీ, ఎస్ఎస్బీ తదితర సెంట్రల్ ఆర్మ్డ్ పోలీస్ ఫోర్సెస్తోపాటు, ఎన్ఐఏ, స్పెషల్ సెక్యూరిటీ ఫోర్స్, అస్సాం రైఫిల్స్లో ఖాళీగా ఉన్న కానిస్టేబుల్(జనరల్ డ్యూటీ) పోస్టుల రిక్రూట్మెంట్కు స్టాఫ్ సెలెక్షన్ కమిషన్ మార్చి 25న (క్యాలెండర్ ప్రకారం) నోటిఫికేషన్ రిలీజ్ చేయనుంది. 2018లో సుమారు 60,210 పోస్టులకు ఎస్ఎస్సీ నోటిఫికేషన్ ఇచ్చింది. వీటి ఫైనల్ రిజల్ట్ మొన్న జనవరిలో డిక్లేర్ చేశారు. ఇప్పుడు వచ్చే నోటిఫికేషన్లో కూడా ఖాళీలు భారీగానే ఉండే అవకాశం ఉంది. బ్యూరో ఆఫ్ పోలీస్ రీసెర్చ్ అండ్ డెవలప్మెంట్(బీపీఆర్డీ) 2020 డిసెంబర్లో ఇచ్చిన రిపోర్ట్ ప్రకారం.. సెంట్రల్ ఆర్మ్డ్ పోలీస్ ఫోర్సెస్లో 1.27 లక్షల ఖాళీలు ఉన్నాయి. 2020 సెప్టెంబర్లో జరిగిన పార్లమెంట్ సమావేశాల్లో కేంద్ర సాయుధ బలగాల్లో లక్షకు పైగా పోస్టులు ఖాళీగా ఉన్నట్లు కేంద్ర హోంశాఖ సహాయ మంత్రి నిత్యానంద్ రాయ్ రాత పూర్వక సమాధానం ఇచ్చారు. అత్యధికంగా బీఎస్ఎఫ్లో 28,926 , సీఆర్పీఎఫ్లో 26,506, సీఐఎస్ఎఫ్లో 23,906, ఎస్ఎస్బీలో 18,643, ఐటీబీపీలో 5,784, అస్సాం రైఫిల్స్లో 7,328 పోస్టులు ఖాళీగా ఉన్నాయని వెల్లడించారు. వీటిలో ఎక్కువ మొత్తంలో కానిస్టేబుల్ స్థాయి పోస్టులే ఉన్నట్లు తెలిపారు.
సెలెక్షన్ ప్రాసెస్
కంప్యూటర్ బేస్డ్ ఆన్లైన్ ఎగ్జామ్, ఫిజికల్ టెస్ట్, మెడికల్ ఎగ్జామ్ ఇలా ఎంపిక ప్రక్రియ మూడు దశల్లో ఉంటుంది. కంప్యూటర్ బేస్డ్ ఆన్లైన్ టెస్ట్ 100 మార్కులకు ఉంటుంది. ప్రతి ప్రశ్నకు ఒక మార్కు. ఎగ్జామ్ డ్యురేషన్ గంటన్నర. జనరల్, ఎక్స్సర్వీస్మెన్కు కటాఫ్ మార్క్స్ 35 శాతం కాగా, ఎస్సీ, ఎస్టీ, ఓబీసీలకు 33 శాతం.
సిలబస్
జనరల్ ఇంటెలిజెన్స్& రీజనింగ్: అనాలజీ, సిమిలారిటీస్, డిఫరెన్సెస్, స్పేషియల్ విజువలైజేషన్, ఓరియెంటేషన్, విజువల్ మెమరీ, డిస్క్రిమినేషన్, అబ్జర్వేషన్, రిలేషన్షిప్ కాన్సెప్ట్లు,అర్థిమెటిక్ రీజనింగ్, ఫిగర్ క్లాసిఫికేషన్, అర్థిమెటిక్ నెంబర్ సిరీస్, నాన్ వెర్బల్ సిరీస్, కోడింగ్ డికోడింగ్ల నుంచి ప్రశ్నలు వచ్చే చాన్స్ ఉంది.
జనరల్ నాలెడ్జ్ & జనరల్ అవేర్నెస్
చుట్టూ ఉన్న ఎన్విరాన్మెంట్, కరెంట్ ఎఫైర్స్తోపాటు అభ్యర్థి జనరల్ అవేర్నెస్ను పరీక్షించే స్థాయి ప్రశ్నలు ఇస్తారు. భారత్ పొరుగు దేశాలు, క్రీడలు, చరిత్ర, సంస్కృతి, జాగ్రఫి, ఎకానమి, జనరల్ పాలిటీ, భారత రాజ్యాంగం, శాస్త్ర సాంకేతికత, పరిశోధనలు తదితర అంశాలపై ప్రశ్నలు ఉంటాయి.
ఎలిమెంటరీ మ్యాథమెటిక్స్
సంఖ్యావ్యవస్థ, పూర్ణాంకాలు, దశాంశాలు, భిన్నాలు, ప్రాథమిక గణిత ప్రక్రియలు, పర్సంటేజీలు, నిష్పత్తి అనుపాతం, లాభ నష్టాలు, వడ్డీ, డిస్కౌంట్, కాలం–దూరం, కాలం–నిష్పత్తి, కాలం–పని తదితర బేసిక్ గణిత అంశాలను పరీక్షించే విధంగా ప్రశ్నలు వస్తాయి. కాబట్టి అభ్యర్థులు 4 నుంచి 10 వరకు అకడమిక్ బుక్స్ ప్రిపేరవ్వాల్సి ఉంటుంది.
ఇంగ్లిష్/హిందీ
ఇంగ్లిష్ లేదా హిందీ భాషలో అభ్యర్థికి ఉన్న అవగాహన స్థాయిని పరీక్షిస్తారు. బేసిక్ కాంప్రహెన్షన్పై ప్రశ్నలు ఉంటాయి.
ఎగ్జామ్ ప్యాటర్న్
సబ్జెక్ట్ ప్రశ్నలు మార్క్స్
జనరల్ ఇంటెలిజెన్స్& రీజనింగ్ 25 25
జీకే & జనరల్ అవేర్నెస్ 25 25
ఎలిమెంటరీ మ్యాథమెటిక్స్ 25 25
ఇంగ్లిష్/హిందీ 25 25
ఫిజకల్ టెస్ట్
క్రైటేరియా పురుషులు మహిళలు
పరుగు 5 కి.మీ–24 ని 1.6 కి.మీ– 8.5 ని
ఎత్తు 1.70 మీ 1.57 మీ
చెస్ట్ 80/5 –
ముఖ్య సమాచారం
పోస్టులు: కానిస్టేబుల్, రైఫిల్మెన్
శాలరీ: రూ.21,700 – 69,100 దరఖాస్తులు: ఆన్లైన్
అర్హత: గుర్తింపు పొందిన బోర్డు నుంచి టెన్త్ పాసై ఉండాలి
వయసు: నోటిఫికేషన్ రిలీజ్ చేసిన తేదీ నాటికి 18 నుంచి 23 ఏళ్ల మధ్య ఉండాలి.
అప్లికేషన్ ఫీజు: రూ.100(ఎస్సీ,ఎస్టీ, ఎక్స్ సర్వీస్మెన్లకు ఫీజు లేదు)
నోటిఫికేషన్ తేదీ: మార్చి 25
వెబ్సైట్: ssc.nic.in
