చెన్నై : తమిళనాడు రాష్ట్ర గీతాలాపనలో ‘ద్రవిడ’ అనే పదం పలకకుండా గవర్నర్ ఆర్ఎన్ రవి ఉద్దేశపూర్వకంగానే దాటవేశారని సీఎం స్టాలిన్ ఆరోపించారు. జాతి ఐక్యతను దెబ్బతీసేలా వ్యవహరించిన ఆయన్ను వెంటనే రీకాల్ చేయాలంటూ కేంద్రానికి స్టాలిన్ లేఖ రాశారు.
చెన్నైలోని దూరదర్శన్ ఆఫీస్లో శుక్రవారం గోల్డెన్ జూబ్లీ కార్యక్రమం జరిగింది. ఇదే ప్రోగ్రామ్లో హిందీ మాసోత్సవ వేడుకలు కూడా నిర్వహించారు. దీనికి గవర్నర్ ఆర్ఎన్ రవి హాజరయ్యారు. తమిళనాడు రాష్ట్ర గీతం ‘తమిళ తాయ్ వజ్తు’ను ఆలపించారు. సాంగ్లోని ‘ద్రవిడ’ అనే పదాన్ని గాయకులెవరూ ఉచ్చరించలేదు. దీంతో సీఎం స్టాలిన్ తీవ్ర ఆగ్రహం వ్యక్తం చేశారు.
