- వివిధ పంటలపై రైతులకు శాస్త్రవేత్తల సలహాలు, సూచనలు
- వ్యవసాయ పనిముట్లపై అవగాహన కల్పించిన వివిధ కంపెనీలు
మహబూబ్నగర్, వెలుగు : పాలమూరులో గురువారం ‘రైతు పండుగ’ సంబురంగా ప్రారంభమైంది. మహబూబ్నగర్, వికారాబాద్, పరిగి, నాగర్కర్నూల్, వనపర్తి, గద్వాల, నారాయణపేట ప్రాంతాల నుంచి 60 ఆర్టీసీ బస్సుల్లో నాలుగు వేల మంది రైతులు తరలివచ్చారు. ముందుగా వ్యవసాయ అనుబంధ శాఖల ఆధ్వర్యంలో ఏర్పాటైన155 స్టాల్స్లోని వ్యవసాయ పనిముట్లను పరిశీలించారు. వాటి పని తీరును కంపెనీ ప్రతినిధులను అడిగి తెలుసుకుని రైతులు సంబుర పడ్డారు.
అనంతరం కొత్త పంటలు, వాటి సాగు పద్ధతులపై స్టాళ్ల సమీపంలోని కాటేజ్లో శాస్ర్తవేత్తలు వివరించారు. ఉదయం నుంచే స్టాల్స్కు రైతులు క్యూ కట్టడంతో రద్దీ నెలకొంది. సదస్సులో మొబైల్ఫోన్ద్వారా బోరు మోటారు కంట్రోల్చేసే విధానం. ఫిషరిస్ చిన్న పాండ్ వంటివి రైతులను ఆకట్టుకున్నాయి. రెండోరోజు శుక్రవారం సమీప జిల్లాలైన రంగారెడ్డి, మెదక్, నల్లగొండ తదితర జిల్లాల నుంచి మరో ఐదు వేల మంది రైతులు తరలిరానున్నట్టు అధికారులు తెలిపారు.
Also Read : ఉమ్మడి కరీంనగర్ జిల్లాలో ఆఫీసర్ల బడి బాట
ట్రాక్టర్ ఎక్విప్ మెంట్స్ భలే..
సదస్సులో వ్యవసాయ యంత్రాలను ప్రదర్శించారు. డ్రోన్ ద్వారా విత్తనాలు చల్లే విధానంపై రైతులకు అవగాహన కల్పించారు. వివిధ కంపెనీలకు చెందిన 20 రకాల ట్రాక్టర్లను ప్రదర్శనలో ఉంచారు. 33 కంపెనీలకు చెందిన వ్యవసాయ పని ముట్లను ట్రయల్చేసి చూపించారు. ట్రాక్టర్ఎక్విప్మెంట్కు సంబంధించిన 24 రకాల యంత్రాలు, మినీ ఎక్విప్మెంట్కు సంబంధించి 20 రకాల పని ముట్లు, 11 రకాల హ్యాండ్టూల్స్, పలు రకాల స్పెర్పార్ట్స్పై సదస్సుకు వచ్చిన రైతులకు అవగాహన కల్పించారు.
ఆకట్టుకున్న వెదురు స్టాల్
హార్టికల్చర్ డిపార్ట్మెంట్ ఆధ్వర్యంలో ఏర్పాటు చేసిన వెదురు స్టాల్ ఆకట్టుకుంది. జాతీయ వెదురు మిషన్ద్వారా దీనికి సబ్సిడీ అందించనున్నారు. ఇంట్లో అలంకరించుకునే వస్తువులను తయారు చేస్తారు. స్టాల్లో వెదురుతో తయారైన కారు, బైకు, బోట్, కీచైన్ వంటి 20 వస్తువులను ప్రదర్శించారు. మేదరులకు ఇది ఉపయోగపడనుంది. 50 శాతం సబ్సిడీ ఇవ్వనున్నారు. అలాగే 50 శాతంతో వెదుకు మొక్కలను సబ్సిడీగా ఇస్తున్నారు.
హైలెట్గా పశువుల స్టాల్స్
మహబూబ్నగర్ జిల్లా భూత్పూర్ మండలం మద్దిగట్లలోని పాలమూరు జెనెటిక్స్ సర్వీసెస్ ప్రైవేట్ లిమిటెడ్ ఆధ్వర్యంలో వివిధ జాతులకు చెందిన పశువుల స్టాల్స్ను ఏర్పాటు చేశారు. గిర్, సాహివాల్, కంక్రేజ్, డియోని, ఒంగోలు, పుంగనూరు, ముర్రా, జాఫ్రాబాద్ వంటి ప్రముఖ జాతులు, స్వదేశీ, క్రాస్‌ బ్రీడ్ పశువులు ఉన్నాయి. ఇన్ విట్రో ఫర్టిలైజేషన్ (ఐవీఎఫ్), ఎంబ్రియో ట్రాన్స్ఫర్సాంకేతికత ద్వారా అత్యుత్తమ జన్యు లక్షణాలతో కూడిన ఆవులు, గేదెలను తయారు చేసి స్టాల్స్లో ప్రదర్శించింది.
