అమెరికా కంపెనీల్లో భారత సంతతి టెకీల హవా

న్యూఢిల్లీ: అమెరికా కంపెనీల్లో భారత సంతతి టెకీల హవా కొనసాగుతూనే ఉంది. ఇది వరకే పలు మల్టీ నేషనల్​ కంపెనీలకు ఇండియన్లు సీఈఓలుగా పనిచేస్తుండగా, ఈ లిస్టులో లక్ష్మణ్​ నరసింహన్​ చేరారు. ప్రీమియం బేవరేజెస్ ​కంపెనీ స్టార్‌‌బక్స్​ సీఈఓగా నియమితులయ్యారు.   మైక్రోసాఫ్ట్ సీఈఓ సత్య నాదెళ్ల, అడోబ్ సీఈవో శంతను నారాయణ్, ఆల్ఫాబెట్ సీఈవో సుందర్ పిచాయ్,  ట్విట్టర్ హెడ్ పరాగ్ అగర్వాల్‌‌‌‌‌‌‌‌‌‌‌‌‌‌‌‌‌‌‌‌‌‌లు భారతీయ సంతతికి చెందిన వారనే విషయం తెలిసిందే. ఇంద్రా నూయి 2018లో రిటైర్​ కావడానికి ముందు 12 సంవత్సరాల పాటు పెప్సికో సీఈఓగా పనిచేశారు. లక్ష్మణ్​ ఇంతకుముందు రెకిట్‌‌‌‌‌‌‌‌ చీఫ్‌‌‌‌‌‌‌‌ ఎగ్జిక్యూటివ్‌‌‌‌‌‌‌‌ ఆఫీసర్​గా పనిచేశారు. ఈయన పుణె యూనివర్సిటీలో ఇంజినీరింగ్‌‌‌‌‌‌‌‌ చదివారు.  స్టార్​బక్స్​కు ప్రపంచవ్యాప్తంగా 34 వేల స్టోర్లు ఉన్నాయి. ఐదు దశాబ్దాల చరిత్ర కలిగిన  స్పెషాలిటీ కాఫీ  ప్రీమియర్ రోస్టర్  రీటైలర్ ఇది.  లక్ష్మణ్​ లండన్ నుండి సియాటెల్‌‌‌‌‌‌‌‌కు వచ్చిన తర్వాత, ఈ ఏడాది అక్టోబర్ 1న ఇన్‌‌‌‌‌‌‌‌కమింగ్ సీఈఓగా స్టార్​బక్స్​లో చేరనున్నారు. 2023 ఏప్రిల్​లో బోర్డులో చేరడానికి ముందు తాత్కాలిక చీఫ్​ హోవార్డ్ షుల్ట్జ్‌‌‌‌‌‌‌‌తో కలిసి పని చేస్తారు.  పెప్సీకో గ్లోబల్ చీఫ్ కమర్షియల్ ఆఫీసర్‌‌‌‌‌‌‌‌ సహా చాలా జాబ్స్​ చేశారు.  లాటిన్ అమెరికా, యూరప్  సబ్-సహారా ఆఫ్రికా కార్యకలాపాలకు సీఈఓగానూ ఉన్నారు.  పెప్సికో లాటిన్ అమెరికా  సీఈఓ , పెప్సికో అమెరికాస్ ఫుడ్స్  సీఎఫ్​ఓ గానూ చేసిన అనుభవం ఉంది. పెప్సికోకు ముందు మెకిన్సే & కంపెనీలో సీనియర్ పార్ట్​నర్.   భారతీయ సంతతికి చెందిన ఎక్స్​పర్టులు అమెరికాలోని ఎడ్యుకేషన్​, ఐటీ, సైన్స్ అండ్​ రీసెర్చ్, కార్పొరేట్​ రంగంలో కీలక పదవులు పోషిస్తున్నారు.  1990లలో భారత సంతతికి చెందిన టెకీలు కార్పొరేట్‌‌‌‌‌‌‌‌ సంస్థల్లో అడుగుపెట్టడం ప్రారంభమైంది. 1990లలో రోమ్ & హాస్ ఛైర్మన్  సీఈఓగా రాజ్ గుప్తా, ది హార్ట్‌‌‌‌‌‌‌‌ ఫోర్డ్ ఫైనాన్షియల్ సర్వీసెస్ గ్రూప్, ఇంక్  సీఈఓ  ఛైర్మన్‌‌‌‌‌‌‌‌గా రామ్‌‌‌‌‌‌‌‌ అయ్యర్​,  యూఎస్​ ఎయిర్‌‌‌‌‌‌‌‌వేస్  సీఈఓ గా రాకేష్ గంగ్వాల్‌‌‌‌‌‌‌‌ పనిచేశారు. 21వ శతాబ్దం ప్రారంభంలో ఇంద్రా నూయి పెప్సికో  సీఈఓ అయ్యారు. అప్పటి నుంచి ఇండియన్​ టెకీలు వెనక్కి తిరిగి చూడలేదు. 

ప్రముఖ కంపెనీల్లో భారత సంతతి సీఈఓలు:

సత్య నాదెళ్ల, మైక్రోసాఫ్ట్

పరాగ్ అగర్వాల్, ట్విటర్​

అరవింద్ కృష్ణ, ఐబీఎం 

వివేక్ శంకరన్, ఆల్బర్ట్‌‌‌‌‌‌‌‌‌‌సన్స్

సంజయ్ మెహ్రోత్రా, మైక్రోన్ టెక్నాలజీ

శంతను నారాయణ్, అడోబ్ ఇంక్‌‌‌‌  

సీఎస్ వెంకటకృష్ణన్, బార్​క్లేస్

సుందర్ పిచాయ్, గూగుల్ ​పేరెంట్​ కంపెనీ ఆల్ఫాబెట్

పునిత్ రెంజెన్, డెలాయిట్‌‌‌‌

రేవతి అద్వైతి, ఫ్లెక్స్‌‌‌‌

షార్ దూబే - ఇటీవలే ‘మ్యాచ్‌‌‌‌’లో సీఈఓగా వైదొలిగారు 

సోనియా సింఘాల్​–‘గ్యాప్‌‌‌‌’ సీఈఓ గా రిలీవ్​ అయ్యారు