కౌడిపల్లి, వెలుగు: ప్రభుత్వ స్కూళ్లలో చదివే స్టూడెంట్స్కు పౌష్టికాహారాన్ని అందించాలని తెలంగాణ రాష్ట్ర విద్యా కమిషన్ మెంబర్ జ్యోత్స్న అన్నారు. మంగళవారం మండలంలోని కొట్టాల జడ్పీ హై స్కూల్, తునికి మహాత్మ జ్యోతిబాపూలే గురుకుల స్కూల్ను ఆకస్మికంగా తనిఖీ చేశారు. అనంతరం స్టూడెంట్స్కు పెట్టే మధ్యాహ్న భోజనం, డైనింగ్ హాల్, వంటగది, కూరగాయలు, స్నాక్స్, సరుకులు, మెనూ రికార్డును తనిఖీ చేశారు. స్టూడెంట్స్ను టీచర్లు అర్థమయ్యే విధంగా పాఠాలు బోధిస్తున్నారా లేదా అడిగి తెలుసుకున్నారు. స్కూల్, హాస్టల్ పరిసరాలు తిరిగి పరిశుభ్రమైన వాతావరణం ఉండాలని సిబ్బందికి సూచించారు. ఆమె వెంట డీఈవో రాధా కిషన్, ఎంఈవో బాలరాజ్, తునికి ఎంజేపీ ప్రిన్సిపాల్ హరిబాబు, వార్డెన్ లక్ష్మణ్ ఉన్నారు.
తూప్రాన్ : హాస్టల్స్లో ఉండి చదువుకునే స్టూడెంట్స్కు నాణ్యమైన భోజనం పెట్టాలని రాష్ట్ర విద్యా కమిషన్ సభ్యురాలు జోత్స్న సూచించారు. తూప్రాన్ మున్సిపల్ పరిధి అల్లాపూర్ శివారులో టోల్ గేట్ వద్ద ఉన్న గురుకుల స్కూల్ ను ఆకస్మికంగా తనిఖీ చేశారు. ఈ సందర్భంగా ఆమె మాట్లాడుతూ.. పిల్లలకు వడ్డించే ఆహార పదార్థాలు తాజాగా ఉండేలా చూడాలని సిబ్బందిని ఆదేశించారు. ఆమె వెంట డీఈవో రాధాకిషన్, ప్రిన్సిపాల్ మురళి ఉన్నారు.
