- రాష్ట్ర దేవాదాయ శాఖ కమిషనర్ శ్రీధర్
- భద్రాద్రి రామాలయంలో ఆకస్మిక తనిఖీలు
భద్రాచలం, వెలుగు : సీతారామచంద్రస్వామి ఆలయంలో రాష్ట్ర దేవాదాయ శాఖ కమిషనర్శ్రీధర్ఆదివారం ఆకస్మికంగా తనిఖీలు నిర్వహించారు. ముందుగా ఆలయంలోని వంటశాలకు వెళ్లి ప్రసాదాలకు వినియోగించే దిట్టం(సరుకులు) నాణ్యత పరిశీలించారు. ప్రసాదాల తయారీలో జాగ్రత్తలు తీసుకోవాలని, సరుకుల నాణ్యతను కూడా చెక్ చేయాలని ఈవో రమాదేవికి సూచించారు. అనంతరం మిథిలాస్టేడియంలో ప్రసాద్స్కీమ్ చేపట్టిన పనులను చూశారు. ముక్కోటి ఏకాదశి ఉత్సవాల ఏర్పాట్లపై ఈఈ రవీందర్తో చర్చించారు.
తెప్పోత్సవం, వైకుంఠ ఏకాదశి ఉత్తర ద్వార దర్శనం కోసం వచ్చే భక్తులను దృష్టిలో ఉంచుకుని ఏర్పాట్లు చేయాలని ఆదేశించారు. అంతకు ముందు కమిషనర్దంపతులు ఆలయంలో ప్రత్యేక పూజలు చేయడంతో పాటు గర్భగుడిలో నిర్వహించిన అభిషేకంలో పాల్గొన్నారు. కమిషనర్ దంపతులకు వేదపండితులు వేదాశీర్వచనం ఇచ్చి ప్రసాదం, శేషవస్త్రం, జ్ఞాపికలను అందజేశారు.
